ევროპის ლიდერებმა ისაუბრეს ვაშაძის მხარდასაჭერად... სად არის ზურაბიშვილი?

ევროპის ლიდერებმა ისაუბრეს ვაშაძის მხარდასაჭერად... სად არის ზურაბიშვილი? - სააკაშვილი ჰელსინკში შეხვედრებს მართავს

პოლიტიკა - 15:17, 08 Nov, 2018

1332

ჰელსინკში საქართველოს მესამე პრეზიდენტი გაერთიანებული ოპოზიციის საპრეზიდენტო კანდიდატთან გრიგოლ ვაშაძესთან ერთად შეხვედრებს მართავს.

„ძალიან ბევრმა ლიდერმა ევროპის ისაუბრა საქართველოში არჩევნებზე. ისაუბრა ვაშაძის მხარდასაჭერად და როდესაც გვეუბნებიან, ახლა მართლა სულელები ხომ არ ვგონივართ ყველა, ზურაბიშვილიაო ევროპის წარმომადგენელი, სად არის ზურაბიშვილი? აბა დამანახეთ? და საქართველოშიც აღარ არის და ევროპაშიც ხომ საერთოდ არავის არ გახსენებია. ყველა ლაპარაკობს ვაშაძეზე, ყველა მხარს უჭერს ვაშაძეს. გუშინ კანცლერმა მერკელმა, ევროპის ერთპიროვნულმა ლიდერმა, რომელიც იქნება ლიდერი მინიმუმ კიდევ სამი წელი, ერთადერთი ადამიანი ვისაც შეხვდა სამიტის ფარგლებს გარეთ იყო ვაშაძე. ყველა სხვა შეხვედრაზე გერმანიის დელეგაციამ თქვა უარი. ივანიშვილის საქმე უკვე წასულია. ყველამ გაიგო რა არის ეს. ყველა ახლა გულშემატკივრობს ქართველ ხალხს და ქართულ დემოკრატიას და ეს არის ძალიან მნიშვნელოვანი,“-განაცხადა მიხეილ სააკაშვილმა.

ის ასევე გამოეხმაურა გავრცელებულ ინფორმაციას, რომ არჩევნების მეორე ტური შესაძლოა სამუშაო დღეს, 28 ნოემბერს გაიმართოს.

„ივანიშვილი მე მგონი მართლა, ყველა ზღვარს გასცდა. იმიტომ რომ არასდროს დამოუკიდებელ საქართველოში არჩევნები არ დანიშნულა არა გამოსასვლელ დღეს. ეს არის ყველა წესის დარღვევა. ეს არის ძალიან უცნაური საქციელი მაგალითად ევროპელებისთვის. გასაგებია რისთვისაც, ახლა მაქსიმალურად რეგისტრირდებიან ჩვენი თანამემამულეები უცხოეთში და მანამ სანამ ხელისუფლება არ შეიცვალა საქართველოში და ჩვენ მათ მივცემთ საშუალებას უკვე მომავალში ელექტრონულად მისცენ ხმა სახლიდან გაუსვლელად, ახლა საკონსულოებში რეგისტრირდებიან, მიუხედავად იმისა, რომ კონსულებმა მიიღეს დავალება ჩვენი მოქალაქეები არ დაარეგისტრირონ და ისინი მისცემენ ხმას. ეს არის დამატებით კიდევ 100 ათასი ხმა,“-განაცხადა მიხეილ სააკაშვილმა.