"ქართველმა ხალხმა აპატია წინა ხელისუფლებას, რადგან თუ ივანიშვილის ხელში აღმოჩნდება ყველაფერი, მაშინ ახალი, უფრო სასტიკი 7 ნოემბერი იქნება"- ბერძენიშვილი

პოლიტიკა - 15:05, 07 Nov, 2018

2007

7 ნოემბრის მოვლენებიდან 11 წელი გავიდა - „რესპუბლიკური პარტიის“ ერთ-ერთი ლიდერის ლევან ბერძენიშვილის განცხადებით, ხალხმა წინა ხელისუფლებას აპატია 7 ნოემბერი და ეს ჩანს არჩევნების შედეგით:

„ვთქვი ასეთი რამ, რომ ქართველი ხალხი ამ დანაშაულს მიხეილ სააკაშვილს არ აპატიებს, მაგრამ მე შევცდი, იმიტომ, რომ ყოველთვის როცა ლაპარაკობ ხალხის სახელით, ძალიან ფრთხილად უნდა იყო, რადგან ამ ქართველმა ხალხმა 11 წლის შემდეგ... როდესაც სხვა ხელისუფლება მოვიდა, რომელიც ექვის წელია ხელისუფლებაშია, რომელმაც ვერაფერი გააკეთა, გარდა იმისა, რომ ლაპარაკობს ცხრა წელზე, ხალხი ეუბნება მშია და ეს ამბობს ცხრა წელი, კაცი ეუბნება შვილი მომიკლეს და ხელისუფლება ეუბნება არ შეადარო გირგვლიანის საქმესო, რატომ არ უნდა შევადაროთ? იქაც და აქაც ხელისუფლება იყო ჩარეული და აქ სუბელიანის ხელისუფლებაა ჩარეული“, - აცხადებს ბერძენიშვილი.

ბერძენიშვილი თვლის, რომ მთავარი კითხვა, რომელსაც პასუხი უნდა გაეცეს, 7 ნოემბრის მოვლენებთან ბიძინა ივანიშვილის კავშირია:

"7 ნოემბერი ბოლომდე არ გამოიძია და არ გამოარკვია "ქართულმა ოცნებამ" იმ უბრალო მიზეზის გამო, მან გადასარევად იცის, ვინ სად იყო მაგ დროს, ვინ ვის უჭერდა მხარს და ვინ ვის აფინანსებდა. თუ ვინმეს ჰგონია, მე დამავიწყდა ბიძინა ივანიშვილის ნათქვამი, რომ მე გადავუხადე იმას იმდენი, ამას ამდენი...

მე მაგალითად, ჩემი გამოსვლა, რომ არ აპატიეს ქართველი ხალხი ამას - არ დამავიწყდა, მაგრამ მივხვდი არჩევნების შედეგებით, 600 ათასი ხმით, რომ ქართველმა ხალხმა 11 წლის შემდეგ თქვა, ვაპატიე იმ მოტივით, რომ არ მინდა განმეორდეს, იმიტომ, რომ დღეს თუ ბიძინა ივანიშვილის ხელში აღმოჩნდება ყველა თანამდებობა და ყველაფერი, მაშინ ახალი 7 ნოემბერი იქნება, შეიძლება უფრო სასტიკიც,"-ამბობს ბერძენიშვილი.