ბიძინა ივანიშვილი, კახა კალაძე და ირაკლი კობახიძე დილიდან „ქართული ოცნების“ ოფისში რეგიონების წარმომადგენლებს და ქალაქის მერებს ხვდებიან. პარტია „ქართული ოცნების“ გენერალურმა მდივანმა, კახა კალაძემ „ძველი გვარდიის“ წარმომადგენლებს უპასუხა, რომლებმაც მზაობა გამოთქვეს, სალომე ზურაბიშვილს არჩევნების მეორე ტურში დახმარება აღმოუჩინონ.

„რაც შეეხება იმას, რომ მერები დღეს ცენტრალურ შტაბში არიან, საარჩევნო პროცესში ვართ, ჩვეულებრივად მიმდინარეობს მზადება მეორე ტურისთვის, აქ რაღაც სიახლე და გასაოცარი არაფერია. კომუნიკაცია მუდმივ რეჟიმში ხდება. რაც შეეხება ძველ გვარდიელებს, ჩვენი კარი ყოველთვის ღიაა იმ ადამიანებისთვის, ვისაც გული შესტკივა ჩვენი ქვეყნის მომავალზე, განვითარებაზე, ეკონომიკურ წინსვლაზე, სტაბილურობაზე,“- განაცხადა კახა კალაძემ.