#გააგონეჰიმნი იტალიაში - ყველაზე მნიშვნელოვან მატჩში ბორჯღალოსნებს თბილისის ცენტრიდან უგულშემატკივრებენ

სპორტი - 10:04, 10 Nov, 2018

6516

10 ნოემბერს ქართული რაგბის ისტორიაში ერთ-ერთი ყველაზე მნიშვნელოვანი მატჩი შედგება იტალიასა და საქართველოს შორის.

მატჩი იტალიის ქალაქ ფლორენციაში გაიმართება.

იმისათვის, რომ ბორჯღალოსნებმა იტალიაში თავი მარტო არ იგრძნონ, მათი გულშემატკივრები რესპუბლიკის მოედანზე იკრიბებიან, საგულშემატკივროდ და რაც მთავარია, ჰიმნის სამღერად.

შაბათს, 10 ნოემბერს, 16:30 საათზე გულშემატკივრები რესპუბლიკის მოედანზე ერთად იმღერებენ საქართველოს ჰიმნს, რომელსაც ბორჯღალოსნები მატჩის წინ მოისმენენ.

"გავაგონოთ ჰიმნი ბიჭებს იტალიაში და ერთად გარდავსახოთ 10 ნოემბერი გამარჯვების დღედ!

ქართული რაგბისთვის ყველაზე მნიშვნელოვანი მატჩი 10 ნოემბერს, იტალიაში, Stadio Artemio Franchi-ზე გაიმართება.
ქართველი მორაგბეები, კიდევ ერთხელ დაამტკიცებენ, რომ იმსახურებენ ადგილს ექვსი ერის გათამაშებაში.

10 ნოემბერს უნდა შეიქმნას ქართული რაგბის ახალი ისტორია. ჩვენ გადავწყვიტეთ, არ ვაგრძნობინოთ ჩვენს ბიჭებს, რომ სტუმრად უწევთ თამაში და მთელ საქართველოსთან ერთად ვუმღეროთ ჰიმნი, რაშიც თქვენი დახმარება დაგვჭირდება !
10 ნოემბერს, 16:30 საათზე, გელოდებით თბილისში, პირველი რესპუბლიკის მოედანზე.
ერთად ვუყუროთ მატჩს დიდ ეკრანზე
ყველამ ერთად ვიმღეროთ ჰიმნი, რომელიც იტალიურ არენაზე პირდაპირი ჩართვით გაიჟღერებს Stadio Artemio Franchi-ზე, მატჩის დაწყებამდე და ქართველი მორაგბეებისთვის მუხტის გადაცემით, გარდავსახოთ სტუმრად თამაში უპირატესობად !
#გააგონეჰიმნი და გარდასახე #გამარჯვებისდღე! " - ნათქვამია ორგანიზატორების განცხადებაში.