მარეგულირებელი კომისია ბუნებრივი აირის ტარიფის ზრდას არ გამორიცხავს. სემეკში ამ ეტაპისთვის შესულია განცხადება გაზის ტარიფის გადახედვასთან დაკავშირებით.

„ამ ეტაპზე ჩვენთან შემოსული არის წინადადებები მხოლოდ გაზის ტარიფების გადახედვასთან დაკავშირებით. ესეც არის გეგმიური, ვინაიდან დადგენილი ტარიფები მოქმედებს ამ წლის ბოლომდე, შესაბამისად სემეკმა წარმოდგენილი განაცხადების მიხედვით უნდა განიხილოს ეს,თუმცა ეს დაკავშირებული არ არის კურსის ცვალებადობასთან“,-აცხადებს საქართველოს ენერგეტიკის და წყალმომარაგების მარეგულირებელი ეროვნული კომისიის წევრი დავით ნარმანია.

რაც შეეხება დენისა და წყლის საფასურს, დავით ნარმანიას თქმით, ეს საკითხი დღის წესრიგში არ დგას.