„დარწმუნებული ვარ, ძველ გვარდიაზე საუბრისას ბიძინა ივანიშვილი ღარიბაშვილს და კვირიკაშვილსაც გულისხმობდა"- ცქიტიშვილი

პოლიტიკა - 14:56, 06 Nov, 2018

734

რეგიონული განვითარებისა და ინფრასტრუქტურის მინისტრი, მაია ცქიტიშვილი დარწმუნებულია, რომ ძველ გვარდიაზე საუბრისას ბიძინა ივანიშვილი ცალკეულ გვარებს არ გულისხმობდა

„დარწმუნებული ვარ, ძველ გვარდიაზე საუბრისას ბიძინა ივანიშვილი არ გულისხმობდა ცალკეულ გვარებს, არც ღარიბაშვილს და არც კვირიკაშვილს, მაგრამ მჯერა, მათაც გულისხმობდა. ვგულისხმობ იმას, რომ მისი მიმართვა არ იყო მიმართული კონკრეტული ადამიანის მიმართ, კონკრეტულად ღარიბაშვილის ან კვირიკაშვილის მიმართ, ეს იყო მიმართვა ყველა იმ ადამიანისთვის, ვისაც ქვეყანაზე გული შესტკივა. ვისთვისაც ძვირფასია ის ღირებულებები, რომელიც ჩვენ მოვიტანეთ.

ვფიქრობთ, სამწუხაროდ, დღეს დადგა მომენტი, როდესაც საზოგადოება კვლავ უნდა გაერთიანდეს იმ ფასეულობების დასაცავად, რომელიც 2012 წელს მოვიტანეთ თავისუფლების დასაცავად. მათ შორის იმისთვის, რომ დღეს არ გვეშინია აზრის გამოხატვის, არ გვეშინია, რომ ღიად დაფიქსირდეს პოზიცია მმართველი პარტიის ან ხელისუფლების წინააღმდეგ. ასე რომ, პირადად ჩემთვის ეს არის მთავარი მიღწევა, რომელიც ამ პერიოდის განმავლობაში მოვიტანეთ. სწორედ „ქართული ოცნების“, ჩვენი ქმედებებისა და პოლიტიკის შედეგია, რომ დღეს დადგა დღე, როდესაც ხალხმა ღიად დააფიქსირა თავისი არჩევანი. სწორედ დღეს არის ის დღე, როდესაც ადამიანებს ვეუბნებით, რომ არჩევანი არ დგას ქალბატონ სალომესა და ბატონ ვაშაძეს შორის. არამედ ისევ დადგა მომენტი, როდესაც სიცრუეს სიმართლე და ძალადობრივ რეჟიმს თავისუფლება უნდა დავუპირისპიროთ. ასევე – ის ღირებულებები, რომელიც ჩვენ ყველამ ერთად, „ძველმა გვარდიამაც“ და იმ ადამიანებმაც, ვინც შეიძლება უცნობები იყვნენ, შემდგომ პერიოდში მოიტანეს ამ ქვეყანაში“- აცხადებს მაია ცქიტიშვილი.