პარტია „ქართული ოცნების“ თავმჯდომარემ, ბიძინა ივანიშვილმა გუშინ საზოგადოებასა და მხარდამჭერებს მიმართა. ვიდეო მიმართვაში საქართველოს ყოფილი პრემიერ-მინისტრი მხარდამჭერებს გაერთიანებისკენ მოუწოდებს.

ივანიშვილის მიმართვას „ნიუპოსტთან“ საუბრისას „საქართველოს ევროპელი დემოკრატების“ თავმჯდომარე, პაატა დავითაია აფასებს და აცხადებს, რომ ეს იყო წაგებული ლიდერის მიმართვა, რომელსაც საზოგადოების ეშინია:

„ჩვენ გუშინ მოვისმინეთ, პარტია „ქართული ოცნების“ თავმჯდომარის მიმართვა, პირდაპირ მინდა ვთქვა, რომ ეს დაგვიანებული მიმართვაა მისი მომხრეების მიმართ, ფაქტობრივად მან აღიარა ის წაგება, რა წაგებაც მას ქართველმა ხალხმა არჩევნებში აგემა და ჩვენ ვნახეთ, რომ რეალურად ქართული ოცნება საბოლოოდ არ აკეთებს არანაირ დასკვნებს, პირიქით, მისი მთავარი მესიჯი იყო, ვინც ჩემთან იქნებით ყველაფერი კარგად გექნებათო. ეს იყო კიდევ ერთი დაპირება, დაპირება ამ ექვსი წლის გნმავლობაში, რასაც ის არა ერთხელ პირდებოდა ქართველ ხალხს, თავის მომხრეებს, საზოგადოებას, მაგრამ არ ასრულებდა. არ მგონია ამ დაპირებებმა და ამ მოთხოვნამ კიდევ ერთი წლის იმედისა, იმასთან დაკავშირებით, რომ ის სიტუაციას დაალაგებს, რაიმე გავლენა იქონიოს, იმიტომ, რომ დაპირებებზე ის მოქმედება რასაც ის ახორციელებს, საზოგადოებისთვის უკვე მიუღებელია და ქართულმა საზოგადოებამ ეს აჩვენა. ჩვენ ვხედავთ, რომ იწყება კორუმპირებული ადამიანების დაჭერები, მაგრამ საზოგადოებას მინდა ვუთხრა, წარმოდგენილი გაქვთ, რომ ოპოზიციამ, რომელმაც ასეთი შედეგი აჩვენა, ამას მოჰყვა რეაგირება და ოპოზიცია რომ გაიმარჯვებს საპრეზიდენტო არჩევნებში, რა რეგირება მოჰყვება? საზოგადოებამ ეს დასკვნა უნდა გააკეთოს, რომ ბიძინა ივანიშვილს არავის შიში არ აქვს, გარდა საზოაგდოებისა და ქართველი ხალხის, ამიტომ ქართველმა ხალხმა უნდა აჩვენოს ის, რომ ხვეწნა მუდარა კი არ არის საჭირო მის მიმართ, არამედ დაპირებების შერულების მოთხოვნა, ეს იყო წაგებული ლიდერის ძალიან სუსტი გამოსვლა და ვფიქრობ, რომ ეს მანიშნებელია იმისა, რომ მეორე ტურში გაერთიანებული ოპოზიცია აუცილებლად გაიმარკვებს“, - აცხადებს პაატა დავითაია.