საქართველოს მესამე პრეზიდენტი მიხეილ სააკაშვილი, „ქართული ოცნების“ თავმჯდომარის მიმართვას ეხმაურება. სააკაშვილის თქმით ივანიშვილი კიდევ ერთხელ ცდილობს ქართველი ხალხის მოტყუებას და რეალურად არაფრის შეცვლას არ აპირებს:

“თქვენ შეიძლება იხილეთ დამფრთხალი და შეშინებული ივანიშვილი და იცით რა მომაგონა მისმა სახემ? ისეთი სახე ქონდა ქურდს რომ დაიჭერ სახლთან ნაქურდალით, ხელი რომ გაქვს ჩაჭიდებული და გეხვეწება, ოღონდ ახლა გამიშვი, პოლიციას არ ჩამაბარო, ცხოვრებაში აღარ ვიქურდებ, გამოვსწორდები და სწორ გზას დავადგებიო. ხომ იცით თუ გაუშვით, აუცილებლად ბოლომდე გაგძარცვავთ, მერე შეიძლება დანაც გაგიყაროთ. ასეა ივანიშვილი, იძახის გამოვსწორდებიო და უბან-უბან დაძრწიან კრიმინალები, მისი გამგებლები ცემენ კოორდინატორებს, ხალხს ემუქრებიან სამსახურიდან გაგდებით. ამის გამოსწორება არ შეიძლება, ამ კაცმა ბოლო 2 წელწადში, ჯიბიდან ამოგაცალათ 3 მილიარდი ლარი. გამოსწორდება რა, თავის დეიდაშვილ უჩას დაიჭერს? საკუთარ თავს ხომ არ დაიჭერს? , ფარცხალაძეს რამეს უზამს? ჩხარტიშვილს რამეს უზამს? საბანკო მაფიას ხაზარაძეს და ვიღაცეებს რამეს უზამს? რა თქმა უნდა არაფერს. ის ისევ მოგადგებათ თქვენ, ახლა თუ გაუშვით. მას არა მხოლოდ არაფრის შესრულება არ უნდა, მას აქვს ძალიან მზაკვრული გეგმები ქართველი ერის მომავალთან და თითოეულ თქვენგანთან დაკავშირებით. ახლა ის არის როგორც არასდროს სუსტი, ჩოქბჯენში და არ უნდა მივცეთ საშუალება იქიდან წამოდგომისა. ქართველი ხალხი დღეს გამარჯვებულია და ეს ჭორვილელი აფერისტი თავისი ვირეშმაკობით ცდილობს ცხვირწინ აგწაპნოთ გამარჯვება. ჩვენ გვაქვს ახლა ძალა და ჩვენ, თქვენ ამ ძალას ის ვეღარ წაგართმევთ. მისი მოტყუების კბილი ქართველმა ერმა მოიცვალა. ბორის დაგიძველდა ხრიკები, მოემზადე ხელისუფლების მშვიდობიანი გადაბარებისთვის, ვერაფერსაც ვერ გააფუჭებ ყველაფერი იქნება კარგად.“- განაცხადა მიხეილ სააკაშვილმა.