9 წლის ბავშვის ცხედარი ექსპერტიზის ბიუროში გადაასვენეს

კრიმინალი - 02:50, 26 Oct, 2018

1316

9 წლის ბავშვის ცხედარი ექსპერტიზის ბიუროში გადაასვენეს.

შემთხვევა გუშინ საღამოს მოხდა. გოგონას, რომელიც მთელი დღის განმავლობაში ოჯახი ეძებდა, მოგვიანებით, ის გარდაცვლილი იპოვეს. სამართალდამცავთა ინფორმაციით, ბავშვის ცხედარს პოლიციამ მდინარე ლიახვის ნაპიზე მიაგნო.

მოკლული გოგონას ოჯახის წევრები ამბობენ, რომ გარდაცვლილს ფეხები რკინის მავთულით ჰქონდა შეკრული, თავზე კი ცელოფნის ტომარა ჰქონდა ჩამოფარებული. ოჯახი ვარაუდობს, რომ გოგონა სწორედ ამ ცელოფნის ტომრით გაგუდეს, შემდეგ კი ცხედარი სასამართლოს ეზოში დატოვეს. არსებბს მეორე ვერსიაც, რომ მას ავტომანქანა დაეჯახა, რის შემდეგაც ცხედარი იქვე დატოვეს.

შინაგან საქმეთა მინისტრის პირველმა მოადგილემ - კახა საბანაძემ გორში, შემთხვევის ადგილის დათვალიერების შემდეგ ჟურნალისტებთან კომენტარი გააკეთა. საბანაძემ გარდაცვლილი მოზარდის ოჯახს მიუსამძიმრა და განაცხადა, რომ გამოძიება ყველა მიმართულებით მუშაობს.

შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, 2010 წელს დაბადებული ნ.ბ. მდინარე ლიახვის ნაპირზე გარდაცვლილი იპოვეს. მომხდარ ფაქტზე გამოძიება სპეციალურმა საგამოძიებო ჯგუფმა დაიწყო, რომელსაც შინაგან საქმეთა მინისტრის პირველი მოადგილე, კახა საბანაძე ხელმძღვანელობს.
გორში მცხოვრები ნანა ბერიაშვილი სახლიდან დღის პირველ ნახევარში, ცეკვაზე წავიდა და ამის შემდეგ მისი კვალი გაქრა.