ლატვია-საქართველო 0:3 - ქართველმა ფეხბურთლებმა ორი ტურით ადრე ჯგუფში პირველი ადგილი გაინაღდეს

სპორტი - 00:35, 17 Oct, 2018

11155

"ევროპის ერთა ლიგის" გათამაშების მეოთხე ტურში საქართველოს საფეხბურთო ნაკრებმა ლატვიის ეროვნული გუნდი ანგარიშით 3:0 დაამარცხა და ტურნირის დასრულებამდე 2 ტურით ადრე ჯგუფში პირველი ადგილი გაინაღდა და შესაბამისად D ჯგუფის ნახევარფინალში გავიდა.

ქართველმა ფეხბურთელებმა თამაშში უპირატესობა დასაწყისიდანვე მოიპოვეს და მთელი მატჩის განმავლობაში არ გაუშვია. მატჩის მეხუთე წუთზე მასპინძელთა კარში თერთმეტმეტრიანი დაინიშნა, თუმცა, ვალერი ყაზაიშვილმა იგი ვერ გამოიყენა.

ქართველებმა შეტევები გააგრძელეს და მე-8 წუთზე ჯაბა კანკავამ ანგარიში გახსნა. მეორე ბურთი ლატვიელთა კარში 28-ე წუთზე ჩკვეტაძის შესანიშნავი გადაცემის შემდეგ ვალერიან გვილიამ გაიტანა. პირველი ტაიმი ქართველებმა ორბურთიანი უპირატესობით დაასრულეს.

მეორე ტაიმი ლატვიელთა შეტევებით დაიწყო, რომელთაც მათ შედეგი ვერ მოუტანა, სამაგიეროდ ერთერთი კონტრშეტევისას 61-ე წუთზე გიორგი ჩაკვეტაძემ მასპინძლებს ჩინებული დრიბლინგის შემდეგ მესამე გოლი გაუტანა.

ოთხი ტურის შემდეგ საქართველოს ნაკრებს ქულა არ დაუკარგია, საკუთარ კარში გოლი არ გაუშვია, ხოლო მეტოქეებს 9 ბურთი გაუტანა.

შემდეგ მატჩებს საქართველოს ნაკრები 16 ნოემბერს ანდორაში, ადგილობრივ გუნდთან და 19 ნოემბერს თბილისში, ყაზახეთის ნაკრებთან გამართავს.