მექსიკის საფეხბურთო მედიის ცნობით, დიეგო მარადონა ქვეყნის ჩემპიონატის მეორე დივიზიონში მოთამაშე "დორადოს დე სინალოას" მთავარ მწვრთნელად დაინიშნა.

კლუბის პრეზიდენტის განცხადებით, მას მოლაპარაკება ჰქონდა არგენტინელთან და იგი სიხარულით დათახმდა მის შეთავაზებას.

კლუბმა უკვე გაასაჯაროვა ვიდეო - "გელით დიეგო".

ამ ინფორმაციამ საგონებელში ჩააგდო ბელორუსული კლუბი "დინამო-ბრესტი", რადგან მაისიდან მარადონა კლუბის მმართველი საბჭოს დირექტორის თანამდებობაზე მუშაობს.

"ეს სიახლე ჩვენ მხოლოდ მედიით შევიტყვეთ. ვცდილობთ დავუკავშირდეთ მარადონას მენეჯერს, მაგრამ ისინი ხაზზე არ არიან, სავარაუდოთ, საათობრივი სარტყელის განსხვავების გამო. კონტრაქტი მასთან არავის გაუუქმებია. როცა სიტუაციაში გავერკვევით, ჩვენს პოზიციას დავაფიქსირებთ," - აცხადებენ კლუბში.