"მოგება უფლებას არ გვაძლევს, რომ მოვდუნდეთ"- რას აცხადებენ ქართველი ფეხბურთელები ყაზახეთის დამარცხების შემდეგ (ვიდეო)

სპორტი - 20:38, 06 Sep, 2018

3761

Adjarasport-მა ყაზახეთის დამარცხების შემდეგ ქართველი ფეხბურთელების კომენტარები გაავრცელა.

საქართველოს ნაკრების მეკარე გიორგი ლორია შედეგით კმაყოფილია, თუმცა აცხადებს, რომ თამაშში გარკვეული ხარვეზები იყო. მისი თქმით ერთა ლიგის ჩემპიონატის მოგებით დაწყება. საქართველოს ნაკრებზე დადებითად იმოქმედებს და შემდგომ თამაშზეც დაეხმარება:

„იყო პატარა ხარვეზები, მაგრამ მთავარია შედეგი დაიდო. მოგებით დაწყება, რა თქმა უნდა დაგვეხმარება.“- განაცხადა ლორიამ.

საქართველოს ნაკრების ვიცე კაპიტნის გურამ კაშიას განცხადებით, გუნდმა მწვრთნელის დავალება შეასრულა და თამაშში დადებითი შედეგი აჩვენა. თუმცა როგორც საქართველოს ნაკრების ერთ-ერთი ლიდერი აცხადებს, პირველ მატჩში მოგება მოდუნების უფლებას არ იძლევა და ნაკრებმა ისეთივე მონდომებით უნდა ითამაშოს თბილისში 9 სექტემბერს დაგეგმილ მატჩშიც:

„შედეგით ყველა კმაყოფილია, დავალება შევასრულეთ, დადებითი შედეგია და კარგი დასაწყისია. ველოდებოდით შეცდომას როდის დაუშვებდნენ, რომ კონტრშეტევაზე გვეთამაშა. დღევანდელ თამაშში მოგება უფლებას არ გვაძლევს, რომ მოვდუნდეთ, შემდეგი თამაშიც ძალიან მნიშვნელოვანია.“- აღნიშნა კაშიამ.