მსოფლიოს პირველი ჩოგანის, ესპანელი რაფაელ ნადალისა და ქართველი ნიკოლოზ ბასილაშვილის მერვედფინალური შეხვედრა აშშ-ის ღია პირველობაზე თბილისის დროით 20:00 საათზე დაიწყება.

ჩოგბურთელები პროფესიულ ტურში ერთმანეთს მეორედ ხვდებიან. პირველ შეხვედრაში, შარშან, როლან გაროსზე ესპანელმა მხოლოდ ერთი გეიმი დაუთმო ბასილაშვილს – 6:0, 6:1, 6:0.

ნიუ-იორკში სამი მატჩის მოგებით, ქართველმა ჩოგბურთლმა კარიერის საუკეთესო შედეგი აჩვენა.

მან ტურნირზე ალიაზ ბედენეს, ჯეკ სტოკს, ხოლო 1/16 ფინალში არგენტინელ გვიდო პეიას – 6:3, 6:4, 1:6, 7:6(4) სძლია.

ბასილაშვილი, მიუხედავად ნადალთან შეხვედრის შედეგისა, ტურნირის შემდეგ, გააუმჯობესებს პირად რეკორდს ATP-ის რეიტინგში და მინიმუმ 31-ე ადგილზე გადაინაცვლებს.