ივანე ჯავახიშვილის სახელობის თბილისის სახელმწიფო უნივერსიტეტი 2018-2019 სასწავლო წელს ლიდერია აბიტურიენტთა პირველი არჩევანით და ჩარიცხული სტუდენტების რაოდენობითაც. წელს 4432 აბიტურიენტი გახდა თბილისის სახელმწიფო უნივერსიტეტის პირველსემესტრელი სტუდენტი, რაც 2017-2018 სასწავლო წელს ჩარიცხული სტუდენტების რაოდენობაზე 30%-ით მეტია. გასულ წელს თსუ-ს სტუდენტი 3409 აბიტურიენტი გახდა.

ამასთან, არაპროფილურ სახელმწიფო უნივერსიტეტებს შორის თბილისის სახელმწიფო უნივერსიტეტში დარჩა ყველაზე ნაკლები ვაკანტური ადგილი გამოცხადებულ ვაკანსიებთან შედარებით. თბილისის სახელმწიფო უნივერსიტეტმა წელს 67 საბაკალავრო საგანამანათლებლო პროგრამაზე 4694 ვაკანტური ადგილი გამოაცხადა.

ყველაზე მოთხოვნადი მიმართულებებია და, შესაბამისად, ყველაზე მაღალი კონკურსი თსუ-ში იყო საერთაშორისო ურთიერთობებზე, სამართალზე, ფსიქოლოგიაზე, ზუსტ და საბუნებისმეტყველო მეცნიერებათა მიმართულებებზე, ისტორიის, ქართული ფილოლოგიის, ეკონომიკის მიმართულებებზე, ქართულ ენაში მომზადების პროგრამებზე.

თსუ-ში მინიმალური კომპეტენციის საშუალო ზღვარია 40%+1. ყველაზე მაღალი მინიმალური კომპეტენციის ზღვარი თსუ-მ სან დიეგოს სახელმწიფო უნივერსიტეტის საგანმანათლებლო პროგრამებზე გამოაცხადა- 75%+1.

თბილისის სახელმწიფო უნივერსიტეტი, რომელიც წელს 100 წლის გახდა, რეგიონში გამოკვეთილია ლიდერია და უნივერსიტეტების 2018 წლის საერთაშორისო რანჟირების მიხედვით (The U.S.News&World Report) მსოფლიოს საუკეთესო უნივერსიტეტების 2% შედის.

თსუ-ში მოქმედებს 240-მდე აკრედიტებული საგანმანათლებლო პროგრამა, მათ შორის 22 უცხოენოვანი. უნ­ივ­ერ­სი­ტეტ­ში სტუ­დენ­ტებს ემ­სა­ხუ­რე­ბა 85 -მდე სას­წავ­ლო ლა­ბო­რა­ტო­რია, მათ შორის ფაბლა­ბი, 2 სმარტლა­ბი, ბლუმ­ბერ­გის ლა­ბო­რა­ტო­რია და სხვა; 8 რესურსცენტრი; 9 კომპიუტერული კლა­სი; მულ­ტი­მე­დი­აც­ენ­ტრი; სახ­ვი­თი ხელოვნების სტუ­დია, მუზეუმი უნ­იკ­ალ­ური ექ­სპო­ნა­ტე­ბით; სა­უნ­ივ­ერ­სი­ტე­ტო არწეოლოგიური ბა­ზა გრაკლი­ან გო­რა­ზე; ბიბ­ლი­ოთ­ეკა დაახლოებით 8 მი­ლი­ონ­ი წიგნადი ფონ­დით; 9 სამკითხვე­ლო დარ­ბა­ზი; უნ­ივ­ერ­სი­ტე­ტის სტუ­დენ­ტებს აქ­ვთ წვდო­მა სა­ერ­თა­შო­რი­სო სა­მეც­ნი­ერო რე­სურ­სებ­ზე Elsevier; JSTOR; EBSCOHost; Springer; HINARI; Cambridge University Journals; GALLICA და ა.შ. აქ­ვთ სტუ­დენ­ტურ პრაქ­ტი­კა­სა და სას­წავ­ლო ეთნოლო­გი­ურ, არ­ქე­ოლ­ოგი­ურ, გე­ოლ­ოგი­ურ ექ­სპე­დი­ცი­ებ­ში მონაწილეობის შესაძლებ­ლო­ბა; თსუ სტუ­დენ­ტე­ბის შე­მოქ­მე­დე­ბი­თი და სპორ­ტუ­ლი შე­საძ­ლებ­ლო­ბე­ბის რეალ­იზ­ებას ემ­სა­ხუ­რე­ბა თე­ატ­რა­ლუ­რი სტუ­დია, სპორ­ტუ­ლი სექ­ცი­ები, მუ­სი­კა­ლუ­რი და ქორეოგრა­ფი­ული ჯგუ­ფე­ბი.

სასწავლო წელი თსუ-ში 17 სექტემბერს დაიწყება.