„BEKO“-ში აცხადებენ, რომ დანაშაული არასრულწლოვანთა დაჯგუფებას უკავშირდება. ისინი აღნიშნავენ, რომ დღემდე მაღაზია კიდევ ორჯერ გაძარცვეს, თუმცა არცერთი საქმე გამოძიებული არ არის.
უახლოეს მომავალში ბეკო სხვა კომპანიებთან ერთად აპირებს მთავრობის ადმინისტრაციაში პრემიერისა და შინაგან საქმეთა მინისტრის სახელზე წერილი შეიტანოს. საქართველოში არსებული ტექნიკის მაღაზიები ქვეყანაში გახშირებულ კრიმინალურ ფაქტებზე შესაბამის რეაგირებას ითხოვენ.
„ეს არის ამ მაღაზიაში, კონკრეტულად, გლდანის ფილიალში მესამე შემთხვევა ბოლო ორი თვის განმავლობაში. ჩვენ გვაქვს წერილი გამზადებული ყველა დანარჩენი საყოფაცხოვრებო ტექნიკის ფირმებთან ერთად, პრემიერი მინისტრის და შინაგან საქმეთა მინისტრის სახელზე. იმედია შესაბამისად რეაგირებას მოახდენენ,“ - განაცხადა მაღაზიათა ქსელ "ბეკოს" დირექტორმა მეჰმეთ მელექიმ.
მასალის გამოყენების პირობები