„ნიუპოსტის“ ინფორმაციით, ამერიკელი ცოლ-ქმარის, რაიან და ლორა სმიტების მკვლელობა ახალგაზრდამ თავდაპირველად ხანდას მოსახლეობასთან მას შემდეგ აღიარა, რაც ადგილობრივებმა ის ფეხებით დაკიდეს.
ჩვენი ინფორმაციით, ბრალდებულმა პოლიციას დეტალურად მოუყვა ისიც თუ რატომ მოკლა 4 წლის ბავშვი, რომელსაც სამართალდამცავები ამ დრომდე ეძებენ.
„ნიუპოსტისთვის“ ექსკლუზიურად მოწოდებული ინფორმაციის თანახმად, დაკავებულმა აღიარა, რომ მას სურდა ქალის გაუპატიურება, რის გამოც ლორა სმიტის მეუღლე მოკლა, ხოლო 4 წლის მცირეწლოვანი ბავშვი, რომელიც ამ შემზარავ ფაქტს შეესწრო და ატირდა, მოკლა. მწყემსმა აღიარებით ჩვენებაში თქვა, რომ მოზარდის ცხედარი ზვიბში დამალა.
"ტიროდა, შემეცოდა და მოვკალი"- უთქვამს დაკავებულს პოლიციისთვის.
შინაგან საქმეთა სამინისტრო 19 წლის ბიჭის დაკავებას ოფიციალურად ამ დრომდე არ ადასტურებს.
მასალის გამოყენების პირობები