12 საათზე ზვიად კუპრავა ბრალის წასაყენებლად დაბარებულია ვაკე საბურთალოს პოლიციაში

საზოგადოება - 09:32, 09 Jul, 2018

10065

„სამართალდამცავთა რეფორმირების ცენტრის" ხელმძღვანელი, ზვიად კუპრავა დღეს 12 საათზე ვაკე -საბურთალოს პოლიციის სამმართველოშია დაბარებული. როგორც კუპრავამ ფეისბუქის გვერდზე გუშინ დაწერა, სამართალდამცავების მისთვის ბრალის წაყენებას აპირებენ.

„მეგობრებო გთხოვთ გააზიაროთ პოსტი ყველამ და ამით დაინახონ რომ არ ვარ მარტო !

მაშინ როცა უბრალო ადამიანები, არასამთავრო სექტორი, აშშ-ს სახელმწიფო დეპარტამენტი და თითქმის ყველა გავლენიანი საერთაშორისო ორგანიზაცია დღევანდელ ქართულ მართლმსაჯულებას "აგინებს", მასში კორუფციულ და კლანურ მართველობაზე პირდაპირ მიუთითებს...

თურმე მხოლოდ მე ავღმოჩნდი მსოფლიოში ერთადერთი პირი, რომელმაც ამ უსამართლო ქართულ სასამრთლოს მივაყენე შეურაცხყოფა.

ამიტომაც ხვალ 12 საათზე დამიბრეს ტელევიზიის გვერდით, ვაკე-საბურთალოს პოლიციის სამმართველოში, საქალაქო სასამართლოში მომხდარ ფაქტთან დაკავშირებით, ბრალის წასაყენებლად..

როგორც ჩანს, ივანიშვილი ვერ ეგუება ჩემს თავისუფლებას....

მან ზუსტად იცის, რომ ჩემი გარეთ ყოფნა მისი მმართველობის ხანმოკლეობის პირდაპირ პროპორციულია, ამიტომ მიიღო ის გადაწყვეტილება, რაც მიიღო!

მოვუწოდებ ჩემს მეგობრებს, გულშემატკივრებს, ყველას, ვისთვისაც მნიშვნელოვანია სამართლიანობა ქვეყანაში...

ხვალ, 12 საათზე, ვაკე-საბურთალოს სამმართველოსთან, დავდგეთ ყველა ერთად სისტემის წინააღმდეგ!“ - წერს ზვიად კუპრავა.