საქართველოს პრეზიდენტის სიძე, მინდია გოგოჭური დაჭრეს. არსებული ინფორმაციით, გოგოჭურს რამდენიმე ჭრილობა ფეხის არეში აქვს მიყენებული.

დაპირისპირება საბურთალოზე მოხდა, დაჭრილი გოგოჭური კი რესპუბლიკურ საავადმყოფოში ორმა მეგობარმა მიიყვანა.

გოგოჭურს ჭრილობები სავარაუდოდ ცივი იარაღით მიაყენეს, რის გამოც მას გადაუდებელი ოპერაცია ჩაუტარდა. ამ დრომდე უცნობია, ვინ დაჭრა მინდია გოგოჭური და რა გახდა მასზე თავდასხმის მიზეზი.

გამოძიება ჯანმრთელობის განზრახ მძიმე დაზიანების მუხლით დაიწყო.