რამდენიმე დღის წინ ინციდენტი მოხდა თბილისის საერთაშორისო აეროპორტში.

"ნიუპოსტს" სახელმწიფო უსაფრთხოების სამსახურში განუცხადეს, რომ თბილისის აეროპორტში ჯანმრთელობისთვის მავნე ნივთიერების შემცველი სითხის დაქცევისთვის, რუსეთის მოქალაქე დააკავეს.

"სახელმწიფო უსაფრთხოების სამსახურის კონტრდაზვერვის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, რუსეთის ფედერაციის მოქალაქე დიმიტრი ბ. ბრალდებულის სახით დააკავეს.

გამოძიებამ დაადგინა, რომ დიმიტრი ბ-მ 2018 წლის 2 ივლისს, თბილისის საერთაშორისო აეროპორტში გაფრენის დარბაზში მდებარე ერთ-ერთი ავიაკომპანიის სალაროს ოფისში ჯანმრთელობისთვის მავნე ნივთიერების შემცველი სითხე დააქცია.

გამოძიებას აწარმოებს სახელმწიფო უსაფრთხოების სამსახურის კონტრდაზვერვის დეპარტამენტი"- აღნიშნავენ სუს-ში.

მომხდარის შედეგად 8 ადამიანიდ აშავდა, არსებული ინფორმაციით, ისინი აეროპორტის თანამშრომლები არიან. 7 მათ განი უკვე გაწერეს სამედიცინო დაწესებულებიდან, ერთი კი განაგრძობს მკურნალობას.