"ცოლი რომ მოუკვდა, დაასაფლავა და თქვა, ესეც ესეო! სოფიკოს თავში რაღაც აუვარდა... ის ჩემთვის არ არსებობს"- გიორგი შენგელაია

საზოგადოება - 12:02, 03 Jul, 2018

23455

გაზეთ ასავალ-დასავალთან რეჟისორი გიორგი შენგელაია, მის ყოფილ მეუღლეზე, გარდაცვლილ მსახიობზე, სოფიკო ჭიაურელზე საუბრობს, რომელმაც გიორგი შენგელაიასთან განშორების შემდეგ კოტე მახარაძესთან შექმნა ოჯახი:

„კახელს ცოლი რომ მოუკვდა და დაასაფლავა, იცით, რა თქვა? ესეც ესეო! გაიგეთ? სოფიკოს მიმართ დღემდე ასეთი დამოკიდებულება მაქვს. იცით, როგორც მოიქცა, ის ჩემთვის არ არსებობს, მე კაცი ვარ! კი, გვიყვარდა ერთმანეთი. მერე საშინელება დაემართა. გეტყვით, რაც მოუვიდა. ჭიაურელები არისტოკრატები კი არა, პლებეები არიან. როდესაც შევარდნაძემ სოფიკო საკავშირო პარლამენტის წევრად შეარჩია, იმის მერე ყველას ზომოდან გვიყურებდა. სამარცხვინო მამაკაცებმა თეატრში ლაქუცი დაუწყეს. სოფიკოს ეს ნაკლი ჰქონდა, პატივმოყვარე იყო, თავში რაღაც აუვარდა და ის გადაწყვეტილება მიიღო, რაც მიიღო... უფროსი შვილი წამოვიყვანე, უმცროსი მასთან დავტოვე (ის დედასთან უნდა ყოფილიყო). როცა გარდაიცვალა ემოცია არ მქონია, არც მივსულვარ. როგორც კაცს, მან შეურაცხყოფა მომაყენა. ასეთი კახელი ვარ, არც მის საფლავზე მივსულვარ. რაც გააკეთა მისთვისვე იყო ცუდი, ხალხმა არ აპატია, ყველამ იცოდა რა მექალთანეც იყო მახარაძე.“- აცხადებს გიორგი შენგელაია.