საქართველოს მთავრობის წევრებმა ბათუმში ნაპირსამაგრი სამუშაოები მოინახულეს

ბიზნესი & ეკონომიკა - 17:34, 20 Aug, 2013

998

ხათუნა გოგალაძის თქმით, მსგავსი სამუშაოების ჩატარება რეგულარულად უნდა ხდებოდეს, რადგან შავი ზღვის სანაპირო სისტემატურად ირეცხება და წყალდიდობის დროს სავალალო შედეგს აყენებს სანაპიროს. ამ ეტაპზე ნაპირსამაგრ სამუშაოებში ჩართულია "აჭარ ენერჯი", რომელსაც გარემოს დაცვისა და ენერგეტიკის სამინისტროს ერთობლივი ძალისხმევით ათიათასობით ტონა ქვიშა-ხრეში ჩამოაქვს და ნაპირებში ყრის, რაც ძალიან მნიშვნელოვანია.

სამინისტროების ერთობლივი კოორდინირებული მუშაობის შედეგად შეჩერდება ზღვის სანაპირო ზოლი ჩარეცხვა, მნიშვნელოვნად დაიზოგა სახელმწიფო საბიუჯეტო სახსრები და რაციონალურად იქნა გამოყენებული ზღვის სანაპირო ზოლის მიმდებარედ არსებული ბუნებრივი რესურსი.

"ჩვენი მიზანი არის, რომ ქვეყანა რაც შეიძლება მალე გაძლიერდეს და თაობებს დავუტოვოთ ძლიერი ეკონომიკა. დაახლოებით 5 მილიონი დაჯდება ეს პროექტი. ნაპირების ქვა-ღორღით მომარაგება, რაც დღეს ჩვენ დავათვალიერეთ, ინვესტორმა თავის თავზე აიღო და ახორციელებს. ჩვენ დავაფინანსებთ ნაპირის მოწესრიგებასა და კეთილმოწყობას. სამუშაოები სექტემბერში დაიწყება,"- განაცხადა კახა კალაძემ.

"ამ საკითხის მოსაგვარებლად არჩეული გვაქვს სამი მიმართულება. პირველი ეს არის ღორღის ჩაყრის პროცესი. მეორე მიმართულება ითვალისწინებს ზღვის ნაპირზე ლოდების ჩალაგებას. მესამე საკითხი კი ეხება KFჭ-ს მიერ გამოყოფილ გრანტს, რომლის მიხედვითაც სარფიდან ჩოლოქამდე მთელი პერიმეტრის შესწავლის შემდეგ დასკვნა დაიდება, თუ რა შეიძლება გაკეთდეს მოსალოდნელი საფრთხეების პრევენციისთვის," - განაცხადა არჩილ ხაბაძემ.