საგამოცდო ცენტრებში გაგრილების სისტემების დამონტაჟება განათლების სამინისტრომ ეროვნული გამოცდებამდე ერთი დღით ადრე დაიწყო, შესაბამისად კონდიციონერებით საგამოცდო ცენტრების მხოლოდ ნაწილი აღიჭურვა.

რამდენიმე საჯარო სკოლაში კონდიციონერები უკვე დამონტაჟდა. უწყებაში თურქეთიდან რამდენიმე ასეული კონდიციონერის ჩამოტანას ელოდებიან. მანამდე კი მინისტრის მოადგილის თქმით, ოთახებში ყველგან ჰაერის გამაგრილებელი ვინტილატორები დაიდგმება.

„დილიდან დაიწყო საგამოცდო პროცესი. ჩვენ მაქსიმალურად ვცდილობთ ვუზრუნველყოთ ყველა საგამოცდო ცენტრი დროულად კონდინცირებით. ამასთან რიგ სკოლებში ჯერჯერობით მხოლოდ ვინტილირება არის უზრუნველყოფილი, რაც არ გამორიცხავს იმას, რომ კონდინცირება მოხდება. უბრალოდ თურქი პარტნიორების მხრიდან მოწოდება უნდა მოხდეს სათანადო რაოდენობის კონდინციონერების,“-განაცხადა თეიმურაზ მურღულიამ.