კომპანია „ალბატროსში“ დღეს ჩხრეკა ჩატარდა, როგორც სამართალდამცავ უწყებაში აცხადებენ, ჩხრეკის მიზეზი ოპერატიული ინფორმაცია გახდა კომპანიის ტერიტორიაზე ნარკოტიკული საშუალების არსებობის შესახებ. კომპანიის წარმომადგენლობა მომხდართან დაკავშირებით საგანგებო განცხადებას ავრცელებს:

„კომპანია „ალბატროსი „ თითქმის ოცი წელია ლიდერია ბაზარზე მეტალოპლსატმასისა და ალუმინის კარ - ფანჯრისა და საფასადე სისტემის წარმოებაში , „ ალბატროსში“ სამასამდე ადამიანია დასაქმებული, წლების მანძილზე ჩვენი კომპანია კეთილსინდისიერი გადამხდელი და არა ერთი საქველმოქმედო პროექტის განმახორციელებელია

ბოლო რამდენიმე თვეა გრძელდება მიზანმიმართული, აგრესიული კამპანია „ალბატროსის“ მისამართით, ეს არის დაგეგმილი პროვოკაცია გარკვეული ძალების მიერ და მიზნად ისახავს ქართული ბიზნესის რეგრესს, ასობით ადამიანის უმუშევრად დატოვებას.

ჯერ კიდევ მიმდინარე წლის მარტის თვეში კომპანია სკანდალში გახვია ყოფილმა თანამშრომელმა - თემა იყო საკმაოდ მძიმე და სენსიტიური - თითქოსდა ჩვენ წამებით მოკლული ქართველი გმირის - არჩილ ტატუნაშვილის ფოტოები შენობის კედლებიდან ჩამოვხიეთ - სათვალთვალო კადრებში ნათლად ჩანს რომ ფოტოები თვითონ ჩამოცვივდა - ჩვენ ეს კადრები არ გავასაჯაროეთ და არ გავაგრძელეთ დავა - რადგან ჩავთვალეთ რომ არ ღირდა ამ მართლაც ძალიან მტკივნეული თემით აპელირება.

დღეს კი , 30 ივნისს, იგივე ძალების მიერ დაიგეგმა ახალი პროვოკაცია კომპანია „ ალბატროსის“ მისამართით - გავრცელდა ინფორმაცია რომ თითქოსდა კომპანიის კუთვნილ ტერიტორიაზე გარკვეული სახის ნარკოტიკული საშუალებები ინახება - მოგახსენებთ რომ აღნიშნული ტერიტორია არ არის „კომპანია ალბატროსის“მფლობელობაში და კიდევ ერთხელ განვმარტავთ - ეს არის მიზანმიმართული პროვოკაცია, რომელიც კომპანია „ალბატროსის“ დისკრედიტაციას ემსახურება“, - ნათქვამია განცხადებაში.