არგენტინელი ვარსკვლავი ლიონელ მესი ნიგერიასთან წარმატების მომტანი ამულეტით თამაშობდა. ამის შესახებ ჟურნალისტებთან ინტერვიუს დროს გახდა ცნობილი.

ერთ-ერთმა არგენტინელმა რეპორტიორმა მესის ჰკითხა:

“არ ვიცი გახსოვთ თუ არა, მე დედაჩემის გამოგზავნილი ამულეტი მოგეცით, შესაძლოა გადააგდეთ ან რამე....“

რის პასუხადაც მესიმ კამერის წინ ფეხი აწია და ჟურნალისტს ტერფთან შებმული წითლი ლენტი აჩვენა.

„ჩემმა საყვარელმა დედამ მესის გაუგზავნა წითელი ლენტი (წარუმატებლობის საწინააღმდეგო). მაესტრომ ის მარცხენა ფეხზე შეიბა. ვტირი, იმდენად შეძრული ვარ!!!“- წერს არგენტინელი ჟურნალისტი.

შეგახსენებთ,არგენტინის ნაკრებმა ჯგუფური ეტაპის ბოლო მატჩში ნიგერიას სძლია (2:1) და ჯგუფიდან პლეი ოფში მეორე ადგილით გავიდა. მუნდიალის 1/8-ფინალში არგენტინა საფრანგეთს დაუპირისპირდება