ტელეკომპანია „იმედის“ გადაცემაში „პირისპირ“ იუსტიციის მინისტრმა თეა წულუკიანმა ხორავას ქუჩაზე მომხდარი ტრაგედიის შესახებ კომენტარი გააკეთა. წულუკიანმა განაცხადა, რომ გიორგი კვირიკაშვილმა შეცდომა დაუშვა მაშინ, როცა აღნიშნა, რომ შსს-მ საქმის გამოძიება თავიდან დაიწყო.

წულუკიანის განცხადებას მოკლული მოზარდის, დავით სარალიძის მამა ზაზა სარალიძე სოციალური ქსელის მეშვეობით ეხმაურება:

„კარგია როდესაც აღიარებთ შეცდომებს ქალბატონო თეა.

თუ გამოძიება პარალელურად მიდიოდა ამ საქმის და დამნაშავეები ვერ აღმოაჩინეთ ესეიგი კიდევ ამტკიცებთ თქვენივე უნიათობას.

თქვენ გგონიათ მე არ ვიცოდი რო გამოძიება მიდიოდა და თქვენი და გახარიას სახით მფარველები ყავდა ამ საშინელ ტრაგედიას?

დანარჩენს აღარ ჩამოვთვლი კიდე ვინ მფარველობდა.

აქედან გამომდინარე არ ხართ თქვენ თანამდებობაზე დასატოვებელი არც ერთი.

მხოლოდ თანამდებობის დატოვება არაფერია ესეც მინდა ვთქვა.

პასუხისგებაში ხართ ყველა მისაცემი ვინც ცდილობდით საქმის შეკერვას.

თქვენგან განსხვავებით არაფერი აღარ მაქვს დასაკარგი.

თქვენ მეორედ კლავთ ჩემს შვილს და ამის უფლებას არ მოგცემთ თუნდაც სიცოცხლის ფასად დამიჯდეს“, - წერს სარალიძე.