"იმედია, ფილმის შემდეგ მაინც დარწმუნდება საზოგადოება, რომ ტყუილად არ ვიბრძვი"- ზაზა სარალიძე

საზოგადოება - 13:41, 19 Jun, 2018

3975

ხორავას ქუჩაზე მოკლული ერთ-ერთი არასრულწლოვანის, დავით სარალიძის მამა, ზაზა სარალიძე „გამომძიებელმა რეპორტიორის" მიერ მოზარდების მკვლელობის საქმეზე ჩატარებულ ჟურნალისტურ გამოძიებას ეხმაურება.

სარალიძე აცხადებს, რომ ჟურნალისტური გამოძიება საზოგადოებას ჭეშმარიტების დანახვაში დაეხმარება.
შვილმოკლული მამა აღნიშნავს, რომ მკვლელობაში მონაწილე პირები ჟურნალისტურმა გამოძიებამაც ნათლად გამოკვეთა.

„ამ ფილმში აბსოლუტური ჭეშმარიტებაა ასახული, რომლს დამალვაც უნდოდა შინაგან საქმეთა სამინსიტროს და პროკურატურას. ისინი დღესაც ცდილობენ ეს ფატები დამალონ. საზოგადოებამ უნდა დაინახოს ჭეშმარიტება და ის, თუ რა მოხდა ხორავას ქუჩაზე. იმედია, საზოგადოება დარწმუნდება, რომ ამდენს ტყუილად არ ვიბრძვი. ფილმს კარგად თუ დააკვირდებით, იქ არ ყოფილა მხოლოდ ორი პირი, ვიზეც საუბრობდა გამოძიება.

ფილმში მკვლელობაში მონაწილეები პირდაპირ არის დასახელებული, ის ორი ადამიანი და ასევე, მესამე პირიც, ჩემი შვილის მეგობარი, რომელმაც დანა დაარტყა. ამ ფილმის გაშვების შემდეგ, იმედია, გონს მოვლენ და სწორად წაიყვანენ ყველაფერს“, - აღნიშნა "ნიუპოსტთან" ზაზა სარალიძემ.