ხორავას ქუჩაზე მოკლული ერთ-ერთი არასრულწლოვანის, დათუნა სარალიძის მამა, ზაზა სარალიძე საზოგადოებრივ მაუწყებელს კიდევ ერთხელ მიმართავს და მოუწოდებს, 12 საათამდე გაუშვას ტრაგედიის შესახებ გადაღებული ფილმი.

"12 საათამდე დრო აქვს საზოგადოებრივ მაუწყებელს ფილმის გაშვებისთვის. მიზეზები არ გამოელია ადმინისტრაციას.

ფილმი მოიცავს ხორავას ქუჩის ტრაგედიის აღწერას. ვიღაც ვიღაცეებს არ აწყობს საზოგადოებამ სიმართლე იცოდეს.

მივმართავ საზოგადოებას! ვფიქრობ ყველას ინტერესში უნდა შედიოდეს თუ რა მოხდა რეალურად 2017 წლის 1 დეკემბერს.

თუ დღეს ღამის 12 საათამდე ფილმი არ გაუშვეს ესეიგი საერთოდ არ გაუშვებენ და მჭირდება თქვენი დახმარება რათა ვაიძულოთ ამ ფილმის გაშვება.

დიდი მადლობა ყველა იმ ადამიანს ვინც გულთან მიიტანა ჩვენი ტრაგედია და მხარს გვიჭერს უსამართლობასთან ბრძოლაში"- წერს სარალიძე.