ისლანდიის ეროვნული საფეხბურთო ნაკრები, რომელიც 2016 წლის ევროპის ჩემპიონატის მთავარი სენსაცია გახდა, სავარაუდოდ, ფეხბურთის გულშემატკივრებს სენსაციებს არც მსოფლიო ჩემპიონატზე მოაკლებს. არსებობის ისტორიაში პირველად, ისლანდიის საფეხბურთო ნაკრები მსოფლიო ჩემპიონატზე თამაშობს და დღეს ისინი არგენტინის ეროვნულ ნაკრებს და მსოფლიო ფეხბურთის ლეგენდას ლიონელ მესის დაუპირისპირდნენ.

ანგარიში მე-19 წუთზე არგენტინელმა კუნ აგუერომ გახსნა , 4 წუთში კი ისლანდიელმა ფინბოგასონმა მსოფლიოს ორგზის ჩემპიონ არგენტინას ანგარიში გაუთანაბრა, 64-ე წუთზე ლიონელ მესის დარტყმული პენალტი ისლანდიელების კარის მცველმა ჰანეს ჰალდორსონმა მოიგერია.