"ამ პოლიციელმა სცემა ეს ბიჭი"- ახალი დეტალები მუხაესტატეში მომხდარ მკვლელობაზე

კრიმინალი - 12:29, 15 Jun, 2018

1603

სოფელ მუხაესტატეს პოლიციის უფროსის მკვლელობის საქმე - ადგილობრივთა ნაწილი აცხადებს, რომ მოკლული პოლიციელი ბუტა ანთაძე ახალგაზრდებს სისტემატურად ავიწროებდა, სიტყვიერ და ფიზიკურ შეურაცხყოფას აყენებდა.

რაც შეეხება მკვლელობაში ბრალდებულ ბ.ტ-ს, დაკავებულის მეზობლები აცხადებენ, რომ ახალგაზრდა წარსულში სწორედ ანთაძემ დააკავა და, საბოლოოდ, ეს უკანასკნელი წვრილმანი ხულიგნობისთვის გაასამართლეს.

„ეს ნაცემი ბიჭი, ბიძაშვილთან ერთად, შიმშილობის აქციას აწყობდა. ამ პოლიციელმა სცემა ეს ბიჭი. რამდენი განცხადება დაიწერა მის გადაყვანაზე, მაგრამ არ გადაიყვანე, არ მოგვაცილეს. თუკი ვინმე ცხოვრობს აქ, უკმაყოფილო იყო ყველა. ავიწროებდა მთელ ახალგაზრდებს, ცენტრში არ მოხვიდეთ და არ დადგეთო“- ამბობს ერთ-ერთი ადგილობრივი.

ბრალდებებს კატეგორიულად უარყოფენ მოკლული პოლიციელის ახლობლები.

„არანაირი კონფლიქტური პიროვნება არ იყო, სიმართლის მოყვარული კაცი იყო და ყველანაირად გვერდში ედგა სახელმწიფოს და ხალხს,“-ამბობს მოკლული ბუტა ანთაძის ბიძაშვილი.

35 წლის პოლიციელი დღეს, გამთენიისას მოკლეს. მკვლელობაში ბრალდებული 27 წლის მამაკაცი პოლიციამ უკვე დააკავა.