"2 წლის წინ დაუჭერია და მას მერე დაძაბული ურთიერთობა ჰქონდათ" - მუხაესტატეს პოლიციის უფროსის მკვლელობა სავარაუდოდ შურისძიებას უკავშირდება

კრიმინალი - 09:47, 15 Jun, 2018

4369

ქობულეთის სოფელ მუხაესტატეს პოლიციის განყოფილების უფროსის მკვლელობასთან დაკავშირებით, "ნიუპოსტისთვის" დამატებითი დეტალები ხდება ცნობილი.

როგორც ადგილობრივები ამბობენ, ბუტა ანთაძესა და მკვლელობაში ბრალდებულს შორის, წლების განმავლობაში უთანხმოება არსებობდა.

დაკავებულის მეგობარი აცხადებს, რომ წლების წინ პოლიციის გამყოფილების უფროსმა ახალგაზრდა დაიჭირა.

ამასთან, ადგილობრივების ინფორმაციით, დაპირისპირების მიზეზი სოფლის ცენტრში ახალგაზრდა ბიჭების თავშეყრის აკრძალვაც იყო.

"2-3 წლის წინ ანთაძემ ბრალდებული ადმინისტრაციული სამართალდარღვევის მუხლით დააკავა და მას შემდეგ მათ შორის დაძაბული ურთიერთობა იყო. გუშინ სხე გადაჰწონდათ, ბრალდებული სამ პოლიციელს გასცდა და დანა პირდაპირ გულში ჩაარტყა, პოლიციებმა დაჭრილი საავადმყოფოში გადაიყვანეს თუმცა მისი გადარჩენა ვერ მოხერხდა. ბრალდებული ადგილზე დააკავეს" - აცხაებს "ნიუპოსტთან" ერთ-ერთი ადგილობრივი.

არსებული ინფორმაციით, ბრალდსებული ნასვამ მდგომარეობაში იყო.

ფაქტზე გამოძიება "სისხლის სამართლის კოდექსის, 108-ე მუხლით მიმდინარეობს, რაც განზრახ მკვლელობას გულისხმობს.