„სიკვდილის წინ განწირული ყვირილი მომესმა... ლურსმნიანი ფიცარი სახეში ჩაარტყეს“

„სიკვდილის წინ განწირული ყვირილი მომესმა... ლურსმნიანი ფიცარი სახეში ჩაარტყეს“ - ნაძალადევში მომხდარი მკვლელობის დეტალები

კრიმინალი - 11:52, 14 Jun, 2018

7760

თბილისში, ნაძალადევის რაიონში, ქართველიშვილის ქუჩაზე მკვლელობა მოხდა. 35 წლის დავით გუზიტაშვილს ურთიერთშელაპარაკების ნიადაგზე ბლაგვი საგნით თავის არეში დაზიანებები მიაყენეს, რის შედეგადაც ის გარდაიცვალა.თვითმხილველის თქმით, გარდაცვლილს დაზიანებები ფიცრის ნაჭრით აქვს მიყენებული.

„როგორც ვიცი, ერთად სვამდნენ და მერე რაღაც შეკამათება მოუვიდათ, გარდაცვლილს დაზიანებები აქვს ბლაგვი საგნით, მგონი, სახეში ცემა ფიცრის ნაჭრით" - განაცხადა ერთ-ერთმა ადგილობრივმა მცხოვრებმა.

,,არაფერი არ ვიცი, განწირული ყვირილი იყო, მაგისთანა ყვირილი ჩემს ცხოვრებაში არ გამიგია, სიკვდილის წინ განწირული ყვირილი მომესმა" - აცხადებს ადგილოვრივი მცხოვრები.

დაზიანებები მიიღო კონფლიქტში მონაწილე მეორე პირმაც, რომელიც საავადმყოფოში გადაიყვანეს თუმცა მკურნალობაზე უარი განაცხადა. ექიმის ინფორმციით, დამნაშავე საავადმყოფოში შეყვანისას უგონო მდგომარეობაში იმყოფებოდა და მკურნალობაზე უარი განაცხადა.

„შემოყვანილია 36 წლის მამაკაცი უგონო ნასვამ მდგომარეობაში კონტაქტში ვერ შემოდიოდა და ჩივილებს ვერ წარმოადგენდა ჩაუტარდა შესაბამისი პროცედურები და პაციენტმა მკურნალობაზე უარი განაცხადა და ხელწერილის საფუძველზე გაწერილია კლინიკიდან "- აღნიშნა მორიგე ექიმმა.

როგორც "ნიუპოსტს" შინაგან საქმეთა სამინისტროში განუცხადეს, მომხდარზე საქმე სისხლის სამართლის კოდექსის 108-ე (განზრახ მკვლელობის) მუხლით აღიძრა, რაც 7-დან 15 წლამდე პატიმრობას ითვალისწინებს.