დღეს ფეხბურთის მსოფლიო ჩემპიონატი იწყება. მსოფლიო რიგით 21-ე საფეხბურთო ჩემპიონატი სტარტს 14 ივნისს, მოსკოვში რუსეთი-საუდის არაბეთის მატჩით აიღებს და 15 ივლისს, ასევე მოსკოვის „ლუჟნიკებზე“ გასამართი ფინალით დასრულდება. მუნდიალის შეხვედრები რუსეთის 11 ქალაქის 12 სტადიონზე ჩატარდება.

მსოფლიო ჩემპიონატის გახსნის ცერემონიაზე ბრიტანელი პოპ- ვარსკვლავი რობი უილიამსი იმღერებს. საზეიმო გახსნაში მონაწილეობას ასევე მიიღებენ ფეხბურთის ბრაზილიელი ლეგენდა რონალდო და რუსი საოპერო სოპრანო აიდა გარიფულინა.