თბილისში, მოსაშვილის ქუჩაზე სროლა იყო. ვრცელდება ინფორმაცია იმის შესახებ, რომ უცნობმა პირმა მანქანიდან ცეცხლსასროლი იარაღით გაისროლა.

"საზოგადოებრივი მაუწყებლის" ინფორმაციით, თვითმხილველების განცხადებით მანქანაში მყოფმა პირმა ერთ-ერთ ეზოში მდგომ პირს გაუხსნა ცეცხლი, ისროდა მეორე მხარეც. ორმხრივი სროლის შემდეგ, პირები, რომლებიც ისროდნენ მანქანაში ცასხდნენ და ადგილიდან მიიმალნენ.

„ისეთი სროლა იყო, რომ რა ვიცი. ვიღაცეები ვიღაცას ესროდნენ. ისიც ესროდა და მერე გაიქცნენ მანქანებით. ორმხრივი სროლა იყო. ყველა დაბლა იწვა ქუჩაში. ბავშვები ეყარნენ და ზედ აწვა ხალხი,“ - ამბობს ერთ-ერთი თვითმხილველი.

ადგილზე რამდენიმე მასრაა დაგდებული, ასევე მობილიზებულია საპატრულო პოლიცია.