"ხანდახან ვფიქრობ, განა ღირს ასეთი ცხოვრება?" - ღარიბაშვილების უკიდურესი გასაჭირი და შიმშილისთვის განწირული ადამიანების ისტორია

საზოგადოება - 10:31, 12 Jun, 2018

2302

ეს ადამიანები სავალალო მდგომარეობაში იმყოფებიან. ყოველ ახალ დღეს მათთვის ახალი გასაჭირი მოაქვს, შველა კი არსაიდან ჩანს.

დარია და ალექსი 50 წლის წინ დაქორწინდნენ, დიდი და ბედნიერი ოჯახის შექმნაზე ოცნებობდნენ, თუმცა ბოროტმა განგებამ მათ თავიდანვე დიდი დარტყმა მიაყენა. პირველ შვილს თანდაყოლილი ცერებრალური დამბლა აღმოაჩნდა. ახლობლები არწმუნებდნენ მშობლებს, რომ უმჯობესი იქნებოდა თუკი ისინი ბავშვზე უარს განაცხადებდნენ, მაგრამ დედა-მამამ პატარა ლელა სახლში წაიყვანა, რამეთუ ასეთი უსულგულო ნაბიჯის გადადგმა მათ არ შეეძლოთ.

მშობლები ყველაფერს აკეთებდნენ, რომ ბავშვისთვის ნორმალური გარემო შეექმნათ, ემკურნალათ და არ მოეკლოთ ყურადღება. დედა საოჯახო საქმეებით იყო დაკავებული, მამა კი მთელ დღეებს სამსახურში ატარებდა, რათა ცოლ-შვილი ერჩინა. ასე გრძელდებოდა მრავალი წელი...

შემდეგ კი ოჯახში ახალი უბედურება დატრიალდა. როდესაც ალექსი პენსიაზე გავიდა, მას ინფარქტი დაემართა, რამაც იგი საწოლს მიაჯაჭვა…

დღეს ეს ადამიანები უმძიმეს ვითარებაში ცხოვრობენ. „არაფერი გვახარებს, დღეები ერმანეთს ჰგვანან, გაგვაქვს თავი როგორც შეგვიძლია… ვუვლი ავადმყოფ მეუღლეს და 50 წლის ქალიშვილს, რომელსაც დამოუკიდებლად არ შეუძლია ჭამა, დაბანა, თავის მოვლა … ხშირად ვტირი, ხანდახან კი ვფიქრობ - განა ღირს ასეთი ცხოვრება? განა სიკვდილი არ სჯობს? მაგრამ ვინ მოუვლის ჩემი ოჯახის წევრებს?“, - ამბობს სასოწარკვეთაში ჩავარდნილი დარია ღარიბაშვილი.

ღარიბაშვილების ოჯახი შიმშილობს, ამ სიტყვის სრული მნიშვნელობით. მათი პენსია და სოციალური შემწეობა მედიკამენტებზე იხარჯება და ხშირად პურის ფულიც არ გააჩნიათ. ამ ოჯახში გამეფებულია სიდუხჭირე, უძლურება და სასოწარკვეთა, რამაც შეუძლებელია, რომ არ დათრგუნოს ნებისმიერი ადამიანი!

მეგობრებო, თუ გაქვთ დახმარების სურვილი, თანხა შეგიძლიათ გადარიცხოთ ჩერნოვეცკის ფონდის ანგარიშზე GE15TB7194336080100003 ან GE64BG0000000470458000 (დანიშნულება: ღარიბაშვილების ოჯახი) ან ჩარიცხოთ პირდაპირ ფონდის საიტიდან: chernovetskyifund.ge.