„სოციალურ პატრულს“ ერთი წელი შეუსრულდა

საზოგადოება - 10:51, 11 Jun, 2018

1512

„დიდად მოხარული ვიქნებით თუ ჩვენი საქველმოქმედო საქმიანობის საჭიროება მინიმუმამდე იქნება დაყვანილი, თუმცა ქვეყანაში შექმნილი მძიმე ეკონომიკური ვითარებიდან გამომდინარე, გვიხდება ჰუმანიტარული მისიის სისტემატური გაფართოება“,- განაცხადა ჩერნოვეცკის ფონდის დირექტორმა ელენე პოლიშუკმა.

ერთი წლის წინ, როდესაც ჩერნოვეცკის ფონდი შეუდგა „სოციალური პატრულის“ პროექტის განხორცილებას, სახეზე იყო მისი აქტუალურობა და მნიშვნელობა სოციალურად დაუცველი მოსახლეობისთვის. დღეს უკვე თამამად შეიძლება ითქვას, რომ მოსახლეობის მოლოდინი გამართლდა, რაზეც მეტყველებს თუნდაც ეს სპონტანური გამოკითხვა, რომელიც სადილის დარიგების ერთ-ერთ პუნქტზე ჩატარდა.

გიორგი, 67 წლის, II ჯგუფის ინვალიდი: „მეუღლე გარდამეცვალა, ბიჭმა მიმატოვა, ქალიშვილი გათხოვილია, მსტუმრობს წელიწადში ერთხელ, დავრჩი მარტოდმარტო. სასადილოში ვერ დავდივარ, რადგან ფეხები მტკივა, ხოლო „სოციალური პატრული“ საჭმელს აქვე, ჩემს სახლთან არიგებს, რაც ჩემთვის ხსნაა“.

დარეჯანი, 37 წლის, მარტოხელა მრავალშვილიანი დედა: „როდესაც საავადმყოფოში დამაწვინეს, ბავშვებს მეზობლები უვლიდნენ, მაგრამ მათ თავად უჭირთ მატერიალურად და ამიტომ თქვენი „პატრულის“ იმედი მქონდა. რომ არა ეს დახმარება, ბავშვებს იშიმშილებდნენ“.

ლიუდმილა, 73 წლის, მარტოხელა პენსიონერი: „ აქ მარტო საჭმლის მისაღებად არ დავდივარ, ვერთობი, ვსაუბრობ ხალხთან, აბა სხვა რა ვაკეთო? გამოკეტილი ვარ ოთხ კედელში“.

არტემი, 46 წლის, II ჯგუფის ინვალიდი: „ფეხი მაქვს საამქროში მუშაობის დროს დაზიანებული და ახლა ვერ ვმუშაობ. დილით რომ ვიღვიძებ, ვიცი რომ სადილის გარეშე არ დავრჩები “.

სიკეთე სიკეთეს ამრავლებს!

მეგობრებო, თუ გსურთ შეუერთდეთ ჩერნოვეცკის ფონდის პროექტს და შეიტანოთ თქვენი წვლილი ამ კეთილშობილ საქმეში, თანხა შეგიძლიათ გადარიცხოთ ფონდის ანგარიშზე

GE15TB7194336080100003 ან GE64BG0000000470458000

(დანიშნულება: სოციალური პატრული)

ან ჩარიცხოთ პირდაპირ ჩვენი საიტიდან: chernovetskyifund.ge