ხორავას ქუჩაზე მოკლული დავით სარალიძს მამის ზაზა სარალიძის განცხადებით, ქალაქ ქუთაისის მმართველობა მის ოჯახის წევრებს ავიწროებს, ასევე მისი მშობლიური სოფლიდან ხალხს აქციაზე დასწრების უფლებას არ აძლევს გამგებელი. სარალიძემ განცხადება რამდენიმე წუთის წინ გააკეთა:

„ინფორმაცია მომივიდა, რომ ჩემს სოფლელებებს უკრძალავენ აქციებზე გამოსვლას, პირადად არ ჩამომიყვანონ მანდ, ნუ აშანტაჟებთ ამ ხალხს იდიოტური აზრებით, მინდა მივმართო ქუთაისის ადმინისტრაციას, რომელიც ჩემს ოჯახს ავიწროვებს, ჭკუას მოუხმეთ, მინდა მივმართო სუს-ს, უკან რომ დაჰყვებიან ჩემს ოჯახის წევრებს, იქნებ ტრუსიკის ყიდვა უნდა კაცს, ფუ თქვენს კაცობას, მოვა უფალიც თქვენადმე, თქვენ ყველა ხართ მკვლელები, ნუ დგამთ ამ უმეცარ ნაბიჯებს, მე აქ ვიქნები მანამ, სანამ ჩემი შვილის საქმეზე სამართლიანობა არ იზეიმებს“, - განაცხადა ზაზა სარალიძემ.