"ნუ დავტოვებთ ზაზა სარალიძეს და მალხაზ მაჩალიკაშვილს უსამართლობის პირისპირ!"

"ნუ დავტოვებთ ზაზა სარალიძეს და მალხაზ მაჩალიკაშვილს უსამართლობის პირისპირ!" - სამეგრელოდან კოლონები უკვე დაიძრნენ

საზოგადოება - 11:32, 10 Jun, 2018

8520

თბილისში დღეს დაგეგმილ სოლიდარობის აქციაზე სამეგრელოდან კოლონები დაიძრნენ.
მოქალაქეების თქმით, დღევანდელი აქცია პოლიტიკური არ არის და ისინი სოლიდარობას ზაზა სარალიძისა და მალხაზ მაჩალიკაშვილის ოჯახებს უცხადებენ.

აქციას უერთდება გარდაცვლილი საბა ჩახაიას ბებია, რომელიც შვილიშვილის გარდაცვლაებაში ექიმებს ადანაშაულებს. მან ჟურნალისტებს უთხრა, რომ სრულ მხარდაჭერას უცხადებს შვილმკვდარ მამას, რათა მომავალში იგივე არ განმეორდეს.

თბილისში ჩამოსვლას აპირებენ ოკუპანტების მიერ მოკლული გიგა ოთხოზორიას ოჯახის წევრები. რაც შეეხება დედას, მან ზვიად კუპრავას სპეციალური წერილი გადასცა, რომელსაც დღეს გააღჟერებენ.
თბილისში მოემგზავრება გაურკვეველ ვითარებაში გარდაცვლილი ზვიად ლაგვილავას დედაც.
ენმ-ის ზუგდიდის ორგანიზაციის თავმჯდომარის ანა წითლიძის ინფორმაციით, დღეს თბილისში სამეგრელოდან 1000-ზე მეტი მოქალაქე მიემგზავრება.
დღეს, 10 ივნისს 16:00 საათზე, რუსთაველზე, პარლამენტის შენობასთან შვილმოკლული მამების, ზაზა სარალიძისა და მალხაზ მაჩალიკაშვილის მხარდასაჭერად ფართომასშტაბიანი აქცია გაიმართება.