დოდო გუგეშაშვილმა ჟურნალისტებს შსს-დან გამოსვლის შემდეგ განუცხადა, რომ იგი დარწმუნებულია, მოკლე დროში იქნება მასზე და მის შვილზე მომხდარი ტავდასხმის საქმე გამოძიებული. დოდო გუგეშაშვილის ინფორმაციით, დღეს ის შსს-ში საზღვრის კვეთასთან დაკავშირებული ხარვეზის გამო იმყოფებოდა.

"ჩემ მიერ საზღვრის ორი კვეთა უკრაინიდან დაფიქსირებული იყო, რომ თითქოს მოვფრინავდი სანკტ-პეტერბურგიდან. ეს აღმოჩნდა ტექნიკური ხარვეზი და ამ დღეებში ოფიციალურად გასწორდება. რაც შეეხება ჩემი შვილის მკვლელობის საქმეს, გავიარეთ რაღაც საკითხები და ვერ გეტყვით რომ რაიმე გამოკვეთილია განსაკუთრებული. ძიება გრძელდება და ჩვენ მუდმივად გვაყენებენ საქმის კურსში. ღრმად ვარ დარწმუნებული, რომ ძალიან მოკლე დროში იქნება გამოკვეთილი ყველაფერი. ძალიან ინტენსიურად მუშაობენ და უამრავი ვერსია, გამორიცხვის მეთოდით იხილება და ამაზე დღესაც გვქონდა საუბარი. ჯერჯერობით მოტივი არ ვიცით. მოტივი რომ ვიცოდეთ, უკვე გამოძიებულიც და მიხედილიც გვეყოლებოდა", - განაცხადა დოდო გუგეშაშვილმა.