„ვფიცავ ღმერთის წინაშე, რომ მომდევნო პერიოდის განმავლობაში მე არავითარ ისეთს არ ჩავიდენ, რის გამოც, მე ვიყო იმის ღირსი, რომ თუნდაც, ადმინისტრაციული დავარღვიო,“ - ეს განცხადება „ქართული მარში-ს“ ორგანიზატორმა, ლადო სადღობელაშვილმა საქალაქო სასამართლოში გააკეთა.

საქალაქო სასამართლოს მოსამართლის, ვახტანგ მრელაშვილის გადაწყვეტილებით ე.წ. ქართული მარშის 5 წევრი სასამართლო დარბაზიდან 5 ათას ლარიანი გირაოს სანაცვლოდ გაათავისუფლეს, ხოლო ორი წინასწარ პატიმრობაში დატოვა.

მოსამართლემ გიორგი ონიანი პატიმრობაში დატოვა, რომელიც სხდომის დასრულების შემდეგ დაიმუქრა, რომ ვენებს გადაიჭრიდა და მოსამართლეს სთხოვა, რომ გაეთავისუფლებინა.