"ბიზნესმენი ვარ, ჩემს გოგონას არ მინდა ეგონოს, რომ მისი მამა მსოფლიო მასშტაბის მაფიოზია" - ე.წ კანონიერი ქურდი ლაშა შუშანაშვილი სასამართლოზე

კრიმინალი - 17:09, 07 Jun, 2018

16743

18 აპრილს საქართველოს სამართლადამცავებმა ბერძენ და ფრანგ პოლიციელებთან ერთად ერთობლივი სპეცოპერაციი შედეგად 40-მდე კრიმინალი დააკავა. დაკავებულთა შორის ყველაზე წონიანი ლაშა შუშანაშვილი გახლდათ, ერთ-ერთი ყველაზე გავლენიანი კანონიერი ქურდი მსოფლიოში. თუმცა, მაშინვე ითქვა, რომ საბერძნეთის პოლიცია საქართველოსთვის გადაცემის თემას ძალზედ მკაცრად მოეკიდებოდა, რადგან რეალურა, ლაშაზე ქართულ მხარეს ერთადერთი ბრალდება ჰქონდა- „კანონიერი ქურდის“ სტატუსი, ანუ მუხლი, რომლითაც მსოფლიოში მხოლოდ საქართველოში ასამართლბენ და დანარჩენი მსოფლიო სკეპტიკურად უყურებს. სწორედ ამიტომ ქართული მხარის მოთხოვნაზე ბერძნულმა მხარემ ოფიციალური უარი უკვე თქვამ თუმცა, როგორც წესი, ქართველმა სამართლადამცავებმა მორიგი კრახი მიაჩუმათეს და არაფერი თქვეს. სამაგიეროდ, ფრანგი ჟანდარმები გააქტიურდნენ და განაცხადეს, რომ ლაშსთან კითხვები აქვთ. საბერძნეთში უკვე სამი სასამართლო ჩატარდა.

„ვერ ვხვდები, რა ბრალდებით მიყენებს საფრანგეთი. მგონია, რომ მათ უკვე გამასამართლეს და ახლა მხოლოდ ამ სასჯელის აღსრულება სურთ. მე კი ჩემს ოჯახზე ვფიქრობ, ჩემი გოგონა მოსკოვის ერთ-ერთ საუკეთესო უნივერსიტეტში სწავლობს და არ მინდა მთელი ცხოვრება ეგონოს, რომ მისი მამა მსოფლიო მასშტაბის მაფიოზია. მე ბიზნესმენი ვარ, კანონს არ ვარღვევ და ეს ყველამ იცის“ - განაცხადა შუშანაშვილმა სასამართლოზე.

იმის მიუხედავად, რომ ქართველმა სამსართალდამცავებმა და საბერძნეთში არსებულმა კრიმინალურმადაჯგუფებებმა არაერთხელ მიანიშნეს, რომ შუშანაშვილი კანონიერი ქურდია და სინდიკატის ლიდერია, რეალურად, მტკიცებულებები ვერც ერთხელ წარადგინეს. ამის პარალელურად, შუშანაშვილი საბერძნეთში საქმეს აკეთებს, ხალხი ჰყავს დასაქქმებული, გადასახადებს იხდის, ყველაფერი ოფიციალურად აქვს და ეს ხელისგულზე დევს. შესაბამისად, საბერძნეთის ხელისუფლებას არანაირად არ სურს, ერთ-ერთი ყველაზე წარმატებული კაცი ვინმეს ან გადასცეს, ან კრიმინალად გამოაცხადოს და აღიაროს, რომ ამ ხნის განმავლობაში კრიმინალს მფარველობდა" - განაცხადა გაზეთ "ვერსიასთან" საუბარში ერთ-ერთმა საბერძნეთში მცხოვრებმა ქართველმა, რომელიც ლაშა შუშანაშვილის სასამართლო პროცესებს ესწრება.