ინფორმაციის თავისუფლების განვითარების ინსტიტუტის პროგრამების დირექტორის, ლევან ავალიშვილის განცხადებით სასამართლო და პროკურატურის სექტორებში სისტემური რეფორმები აუცილებლად გასატარებელია. ავალიშვილის განცხადებით, აღნიშნულზე პასუხისმგებლობა ახალმა იუსტიციის მინისტრმა უნდა აიღოს.

ლევან ავალიშვილი იუსტიციის მინისტრის თეა წულუკიანის შეცვლის აუცილებლობაზე საუბრობს:

„ეს მოთხოვნა უკავშირდება იმას, რომ სისტემური რეფორმები აუცილებლად გასატარებელია სასამართლო სექტორში, პროკურატურის სექტორში და ამაზე პასუხისმგებლობა უნდა აიღოს ახალმა იუსტიციის მინისტრმა, იმიტომ, რომ უკვე 6 წელია, ხელმძღვანელობს ამ მიმართულებას და როგორც ჩვენ ვნახეთ სწორედ პროკურატურის შემთხევაში შედეგი ვერ დადგა, ჩვენ ვხედავთ, რომ სასამართლოში შედეგი ვერ დადგა და კვლავ ის ძველი მოსამართლეები ხელმძღვანელობენ სასამართლო პროცესებს, ანუ ჩვენ ვხედავთ იუსტიციის საბჭოში რა ხდება და ამაზე, რა თქმა უნდა, იყოს მიღებული გადაწყვეტილება, რომ ყველაფერი დაიწყოს ახლიდან,“ - განაცხადა ლევან ავალიშვილმა.