მკვლელობა თემქაზე - "ანუ ეს ქვა ჩაარტყი, დანას ურტყამ სახესთან ხო? წაიქცა თუ ფეხზე იყო?"- ბრალდებულის და გამომძიებლის საუბარი

საზოგადოება - 15:49, 28 May, 2018

8016

21 წლის ანა ნაცვლიშვილის საზარელი მკვლელობის საქმესთან დაკავშირებით გაზეთი „პრაიმტაიმი“ საიდუმლო მასალებს აქვეყნებს. ერთ-ერთი ჩანაწერი, ლადო გრიგალაშვილსა და გამომძიებელს შორის არსებულ პირველ საუბარს ასახავს. აღნიშნული საუბარი ფარული საგამოძიებო მოქმედების სახით სისხლის სამართლის საქმის მთავარი მტკიცებულებაა, გამომდინარე იქიდან, რომ ბრალდებული თავადვე ყვება მკვლელობის რამდენიმე დეტალს. ადვოკატი ამ ჩანაწერის დაუშვებელ მტკიცებულებად ცნობას მოითხოვდა, ვინაიდან, მისი თქმით, გამომძიებელი გრიგალაშვილს წინასწარვე სთავაზობს დამუშავებულ ვერსიას, რის შედეგადაც მან არჩადენილი დანაშაული დაიბრალა. დაცვის მხარე ამტკიცებს, რომ ბრალდებულზე ზეწოლა განხორციელდა, რაც ოჯახის წევრებზე მუქარაში გამოიხატებოდა. მიუხედავად ამისა, მოსამართლემ ეს მტკიცებულება დასაშვებად ცნო.

ამ ჩანაწერით ირკვევა, რომ ლადო გრიგალაშვილმა თავისი შეყვარებული ანა ნაცვლიშვილი მკვლელობამდე ცოტა ხნით ადრე უცხო მამაკაცთან ერთად დააფიქსირა. და აი, რას ჰყვება ის:

ლ.გ.: აი, ძაან ბუნდოვნად ერთი მახსოვს. რაღაც მომენტში სახე კარგად დავინახე და ვერ ვიცანი, თორემ ეგრევე ვიცნობდი. წვერი არ ჰქონდა, ერთი ეგ მახსოვს და თმაც დაბალზე ჰქონდა რა.

გამომძიებელი: ეგ არც გითქვამს, არც მეორე დღეს არ უთხარი ხო?

ლ.გ.: არაფერი არ მითქვამს საერთოდ.

გამომძიებელი: ანუ ფიქრობდი, როცა ვნახავ, მერე ვეტყვიო, არა?

ლ.გ.: ჰო, ეგ მინდოდა... რომ მნახავს, თავისი პირით რაღაც თქვას, იქნება თვითონვე იძახის, სანამ მე ვეტყვი. და რომ არ თქვა უკვე...

გამომძიებელი: ანუ დილით ხომ ნახავდი, რაღაზე ჩამოიყვანე ღამე? თუ ვეღარ ითმენდი?

ლ.გ.: არა, უკვე ვეღარ...

გამომძიებელი: მისწერე და ისიც გამოვიდა... ეს დანა მერე... ანუ ეს ქვა ჩაარტყი, დანას ურტყამ სახესთან ხო? წაიქცა თუ ფეხზე იყო?

ლ.გ.: არა, დაეცა.

გამომძიებელი: და დაარტყი რამდენჯერმე? რაც გახსოვს?

ლ.გ.: ეგ კადრები, აი...

გამომძიებელი: ხელს რომ უქნევდი და ურტყამდი...

ლ.გ.: რაღაც, ხელს ხო, აი მართლა ისე მახსოვს.