საქართველოს ძიუდოისტთა ნაკრების წევრები აცხადებენ, რომ დავით ქევხიშვილი ცდილობს, ძიუდოისტებს შორის, რომლებიც მის გადადგომას ითხოვენ, განხეთქილება შეიტანოს და მათ გადაბირებას ცდილობს.

„დადის ბიჭებთან სათითაოდ და ეუბნება, შენ ყველაფერს გაგიკეთებ და არაფერი მოგაკლდება. უნდა რომ დაგვშალოს. მის ინტერესებში ერთიანობა არ შედის.“- განაცხადა ავთანდილ ჭრიკიშვილმა.

ჭრიკიშვილის თქმით, ქევხიშვილს წინა წლებში უნდოდა ისეთი მწვრთნელებს მოყვანა, რომლებიც თავის დროზე სპორტსმენებს პოლიტიკური ნიშნით განასხვავებდნენ და ამის მიხედვით დაყავდათ შეკრებებზე თუ შეჯიბრებებზე.