"არ მინდა შიმშილით დამეხოცოს შვილიშვილები" - დედ-მამისგან მიტოვებული 3 მცირეწლოვანის ისტორია, რომლებსაც ბებია ზრდის

საზოგადოება - 18:08, 23 May, 2018

2421

ბავშვისთვის არაფერია იმაზე მტკივნეული, როგორც დედ-მამასთან განშორება, მაგრამ როდესაც მშობლები შეგნებულად ტოვებენ შვილებს, ეს უკვე დიდი ტრაგედიის ტოლფასია!

10 წლის მარიამი, 4 წლის ლუკა და 3 წლის ნიკოლოზი ყოველდღე ელოდებიან დედიკოს და მამიკოს გამოჩენას. დილით რომ იღვიძებენ, ბებიას ყოველთვის ეკითხებიან - „ ბებო, დედა როდის მოვა?“. სამწუხაროდ, დღემდე არც დედა ჩანს და არც მამა...

„დედამ მიატოვა შვილები. ამბობენ, რომ გათხოვდა და ახალი ოჯახი შექმნა. არ ვიცი ახლა სად არის იგი...ღმერთო, მომეცი ძალა, რომ შიმშილით არ დამეხოცოს შვილიშვილები, რომ გავუძლო ამ დიდ ტკივილს და გადავარჩინო ბავშვები. მინდა რომ მოვკვდე, მაგრამ ბავშვებს ვინ მოუვლის? ვცდილობ, გავაგრძელო ბრძოლა ბავშვების სიცოცხლის გადასარჩენად“,- ამბობს მარინე თულოშვილი.

ზამთარში შინ და გარეთ ერთი ტემპერატურაა, რის გამოც ბავშვები სულ ავადმყოფობენ, ახველებენ, სიცხიანები და ნახევრად მშიერნი დადიან. სახლში აუტანელი პირობებია: კედლები დანესტიანდა, ჭერი ლამის ჩამოინგრეს, ხოლო ოთახის შუაგულში იატაკი ჩაიზნიქა და დიდი ორმო გაჩნდა.

ბავშვებს მშობლები ჰყავთ, თუმცა ფაქტიურად ობლები არიან. ახლა მათ ჩვენი თანადგომა და მხარდაჭერა სჭირდებათ. თუ გაქვთ სურვილი და საშუალება, თანხა შეგიძიათ ჩარიცხოთ ანგარიშზე GE15TB7194336080100003 ან GE64BG0000000470458000 (დანიშნულება: თულოშვილების ოჯახი) ან საიტიდან: chernovetskyifund.ge/ge/projects/326-tuloshvili/