ოზურგეთის მუნიციპალიტეტის დაბა ლაითურში ბიძინა ივანიშვილის ხის ტრანსპორტირების გამო, სტადიონი გადათხარეს და დაშალეს.

ადგილზე მოთხრილია ბოძები და მთლიანად მოშლილია ღობე, რომლითაც სტადიონს პირუტყვისგან იცავდნენ.

როგორც ადგილობრივები აცხადებენ, ივანიშვილის კომპანიის წარმომადგენლები, რომლებიც ხის ტრანსპორტირებას ახორციელებდნენ, დაპირდნენ, რომ სტადიონის მიმდენარე ტერიტორიაზე სკვერი და ახალგაზრდებისთვის დაბაში არსებული ერთადერთი სტადიონიც გაკეთდებოდა.

"ახალგაზრდები ისედაც აღარ ჩერდებიან სოფელში. არანაირი პერსპექტივა აქ არ არის. არც გასართობი საშუალება აქვთ. ეს სტადიონი იყო ერთადერთი, სადაც იკრიბებოდნენ და თამაშობდნენ. გადათხრილია ყველაფერი. ის ბოძები და შესაღობი მასალა სახლებიდან მოვიყანეთ, რომ ახალგაზრდებისთვის გაგვეკეთებინა, ყველაფერი განადგურებულია. არც მინდორია და არარც სტადიონი. კომპანიის წარმომადგენლები დაგვპირდნენ, რომ აქ სკვერი გაკეთდებოდა და სტადიონიც დარჩებოდა, მაგრამ, კი ხედავთ რაც ხდება. მ,ესამე თვეა ასეა ყველაფერი გაოხრებული"-გვითხრეს ადგილობრივებმა.

ადგილზე იმყოფებოდა "ნაციონალური მოძრაობის" წარმომადგენელი, საკრებულოს დეპუტატი, დავით მჟავანაძე, რომელიც აცხადებს, რომ ის, რასაც ყოფილი პრემიერი საკუთარი ხეების გამო ქვეყანაში აკეთებს, ადამიანების აბუცად აგდებას ნიშნავს:

"ეს არის ქართველი ხალხის საკუთრება, რასაც ეს ადამიანი საკუთარი აკვიატების გამო ანადგურებს და მიწასთან ასწორებს. ის აბუჩად იგდებს ადამიანებს. გაუგონარია ამბავია. მაშინ როდესაც მასიურად ტოვებენ ახალგაზრდები სოფლებს, იმის გამო, რომ არანაირი პერსპექტივა და გასართობი საშუალებაც კი არა აქვთ, იმასაც აოხრებს, რასაც ხალხი თავისი ფინანსებით აკეთებს. რაც აქვთ ახალგაზრდებს, იმასაც უსპობს. სტადიონი გადათხარა ადამიანმა იმის გამო, რომ აქ თავისი ხე გაეტარებინა. დაპირდა სკვერს გაგიკეთებთ და მაგარ სტადიონსო და სამი ხე დარგეს სულ. ისიც გამხმარია"-აცხადებს მჟავანაძე.