ანა სუბელიანი რუსთაველის გამზირზე მის ცეკვაზე საუბრობს, რაც განხილვის საგანი გახდა საზოაგდოებაში და რომელმაც სუბელიანი და მისი შვილის, ასევე ოჯახის წევრების მიმართ მუქარები გამოიწვია. ანა სუბელიანი ამის შესახებ „პრაიმ ტაიმთან“ ინტერვიუში საუბრობს:

„ჩემი ცეკვა, ერთი მხრივ, იყო უბრალოდ ცეკვა, მეორე მხრივ კი, პოლიტიკური აქტი! ეს იყო ცეკვა თავისუფლებისთვის! ჩემი ცეკვა ისედაც ყოველთვის თავისუფლებისთვის ცეკვაა. სწორედ, ცეკვის დროს ვგრძნობ თავს ყველაზე ლაღად და თავისუფლად. ვერც კი ვხვდები, როგორ შეიძლება დალაგდეს გონებაში ის, რომ ქვაზე ცეკვა, რომელსაც უბრალოდ აწერია, რომ აქ მემორიალი აღიმართება, შეიძლება რაიმე სიწმინდის შებღალვას ისახავდეს მიზნად. თუკი ვინმეს ასე ჰგონია, დამიჯეროს, ცდება. ჩემი მშობლებიც იდგნენ ცხრა აპრილს რუსთაველის მოედანზე, დედა მაშინ ჩემზე იყო ორსულად. მიუხედავად ამისა, ბოლომდე იდგა, რადგან ეს იყო ბრძოლა თავისუფლებისათვის და პროგრესისთვის. მეც მჯერა, რომ ამ ადამიანების ბრძოლას ვაგრძელებ. დარწმუნებული ვარ, 9 აპრილს დაღუპულები და მე ერთ თაობის რომ ვყოფილიყავით, აუცილებლად თანამებრძოლები და მეგობრები ვიქნებოდით“, - აღნიშნავს ანა სუბელიანი.