„საქართველოს ახალგაზრდა ეროვნული ალიანსის“ თავმჯდომარე გიორგი გაბედავა პოლიციას თავისუფლების უკანონო აღკვეთაში ადანაშაულებს. საუბარია 17 მაისს რუსთაველის გამზირზე მიმდინარე აქციის ფარგლებში, მისი დაკავების შესახებ, სამართალდამცავებმა გაბედავა გამოკითხვის მიზნით დააკავეს და პოლიციის განყოფილებაში გადაიყვანეს.

გაბედავას განცხადებით, 17 მაისს იგი კანონდარღვევით დააკავეს და თავისუფლება რამდენიმე საათით უკანონოდ შეუზღუდეს:

„ჯერ მეუბნებოდნენ, რომ ვიყავი ადმინისტრაციული სამართალდამრღვევი, მერე მითხრეს, რომ სასამართლოში გაირკვევა ყველაფერი. პოლიციელებს არაფერს არ ვერჩი, ისინი უფროსების დავალებებს ასრულებდნენ, მესმის, და ისევ რიგითზე, რომ არ გადატყდეს ჯოხი, მე ვითხოვ მაღალჩინოსნების დაკავებას,“ - განაცხადა გაბედავამ.