რუსთავში, ჭყონდიდელის დასახლებაში, მშვიდობის ქუჩის რეაბილიტაცია დაიწყო

საზოგადოება - 10:17, 15 May, 2018

1566

რუსთავში, ჭყონდიდელის დასახლებაში, მშვიდობის ქუჩის 2 კილომეტრიანი მონაკვეთის რებილიტაცია დაიწყო. პროექტის ფარგლებში, აღნიშნულ ტერიტორიაზე ამ დროისთვის მიწის სამუშაოები მიმდინარეობს. ასევე მოწესრიგდება სანიაღვრე სისტემა, დაიგება ასფალტბეტონის საფარი, მოეწყობა ტროტუარები და ბორდიურები. სამუშაოები, რომლის ღირებულება 1 მლნ 221 776 ლარს შეადგენს, შპს „ჰერიო“ ახორციელებს. პროექტი, რომელიც ცენტრალური ბიუჯეტიდან ფინანსდება, მიმდინარე წლის აგვისტოსთვის დასრულდება.

მიმდინარე სამუშაოები დღეს რუსთავის მერმა ირაკლი ტაბაღუამ, მერის მოადგილეებთან გოჩა ლორიასთან და დავით კეკელიძესთან, საკრებულოს თავმჯდომარის მოადგილე დავით რეხვიაშვილთან, ინფრასტრუქტურის სამსახურისა და კონტრაქტორი კომპანიის წარმომადგენლებთან ერთად დაათვალიერა.

არსებულ გზას, რომელიც წლებია მთლიანად ამორტიზებული იყო, რეაბილიტაცია მოსახლეობის თხოვნის გათვალისწინებით უტარდება. სამუშაოების დასრულების შედეგად მოსახლეობა, ახალი და კომფორტული გზით შეძლებს გადაადგილებას.

ცენტრალური და ადგილობრივი ბიუჯეტის დაფინანსებით, 2018 წელს, რუსთავში, ჯამში 12 მლნ ლარის სხვადასხვა ინფრასტრუქტურული პროექტი განხორციელდება.