პარტია „ქართული ოცნების“ ყრილობა მთაწმინდის პარკში - მზადების პარალელურად აქციას მართავენ „ბავშვთა სამყაროს“ ხანძრით დაზარალებული მოვაჭრეები.

ისინი ბიძინა ივანიშვილთან შეხვედრასა და ზარალის ანაზღაურებას ითხოვენ. მათ სურდათ იმ ტერიტორიაზე შესვლა, სადაც ყრილობა უნდა გაიმართოს, თუმცა ადგილზე მობილიზებულმა სამართალდამცავებმა ამის უფლება არ მისცეს.

„კუბოები გაეტანოთ ივანიშვილს, კალაძეს და სხვას ვისაც ჩვენი ბაზრის დაწვაში მიუძღვის ბრალი. 4 ადამიანი მოგვიკვდა უკვე“, - აცხადებენ დაზარალებულები.

მოთხოვნების შეუსრულებლობის შემთხვევაში ერთ-ერთი დაზარალებული თავის დაწვით იმუქრება.