დღეს, „ახალი ბანას“ სამონასტრო-საგანმანათლებლო ცენტრისადმი მიძღვნილი სამეცნიერო კონფერენცია გაიმართება

საზოგადოება - 11:36, 11 May, 2018

3550

დღეს, 11 მაისს, 12:00-ზე საქართველოს მეცნიერებათა ეროვნულ აკადემიაში, ხაშურისა და სურამის ეპარქიაში მშენებარე - „ახალი ბანას“ სამონასტრო-საგანმანათლებლო ცენტრისადმი მიძღვნილი კონფერენცია გაიმართება.

სამეცნიერო კონფერენციის პროგრამა:

■ კონფერენციის გახსნა

■ საქართველოს მეცნიერებათა აკადემიის ვიცე-პრეზიდენტი – აკად. როინ მეტრეველი

მომხსენებლები:

■ „ახალი ბანა“-ს საგანმანათლებლო და კულტურული მისია“-

სურამისა და ხაშურის ეპისკოპოსი სვიმეონი

■ „ბანა – პოლიტიკურ-ადმინისტრაციული და საეკლესიო ცენტრი“ – პროფ. ბუბა კუდავა

■ „ბანას საკათედრო ტაძარი და ოშკის ფრესკა“ – პროფ. ზაზა სხირტლაძე

■ „ახალი ბანას“ არქიტექტურა – არქიტექტორი ლევან ჯანხოთელი

მისამართი: რუსთაველის გამზირი #52, მე-3 სართული

საქართველოს მეცნიერებათა ეროვნული აკადემიის სხდომათა დარბაზი.

აღდგომის სახელობის „ახალი ბანა“-ს სამონასტრო-საგანმანათლებლო ცენტრის მშენებლობას 2017 წლის 15 ივლისს, სრულიად საქართველოს კათალიკოს-პატრიარქის უწმინდესისა და უნეტარესის ილია მეორეს ლოცვა-კურთხევით ჩაეყარა საფუძველი, რომელსაც პრემიერი გიორგი კვირიკაშვილი და უმრავლესობის წევრები ესწრებოდნენ. პროექტის ავტორი სურამისა და ხაშურის ეპარქიის ეპისკოპოსი მეუფე სვიმეონია, რომლის ეგიდით აღნიშნული კომპლექსის მშენებლობა უკვე მიმდინარეობს. „ახალი ბანას“, საუკუნის პროექტად წოდებულ კომპლექსს საკმაოდ მასშტაბური და მრავალფუნქციური დატვირთვა ექნება, რომლის მიზანიც მომავალი თაობებისათვის „ბანას“ ისტორიული მნიშვნელობის გაცნობა და ეკლესიაში საგანმანათლებლო და კულტურული კერის ჩამოყალიბებაა.

#შემოგვიერთდით! - ,,პატრიარქის კურთხევითა და ერთად დგომით დავიწყოთ ისტორიული მოქმედება, ავაგოთ სულიერებისა და ცოდნის „ახალი ბანა“-ს ტაძარი”.

#ბანაგვაერთიანებს

#გახდიბანასმშენებელი

„ახალი ბანას“ ფეისბუკ გვერდი